മുംബൈ: ബോംബെ കേരളീയ സമാജത്തിന്റെ ഓണാഘോഷ പരിപാടികളിൽ മുഖ്യാതിഥിയായി പങ്കെടുക്കുന്നതിനായി കേരള-തമിഴ്നാട് ഗവർണർ രാജേന്ദ്ര വിശ്വനാഥ് ആർലേക്കർ നാളെ രാവിലെ മുംബൈയിലെത്തും. ഗവർണറെ സ്വീകരിക്കുന്നതിനും പരിപാടിക്ക് ആതിഥേയത്വം വഹിക്കുന്നതിനുമായി ബോംബെ കേരളീയ സമാജം വിപുലമായ ഒരുക്കങ്ങളാണ് നടത്തിയിട്ടുള്ളത്.
സമാജം പ്രസിഡന്റ് എസ്. രാജശേഖരൻ നായരുടെ അധ്യക്ഷതയിൽ നടക്കുന്ന സാംസ്കാരിക സമ്മേളനത്തിൽ ഗവർണർ മുഖ്യപ്രഭാഷണം നടത്തും. ചടങ്ങിൽ ‘വിശാല കേരളം’ ഓണപ്പതിപ്പ് പ്രകാശനം ചെയ്യും.
സമാജം കലാകാരന്മാരുടെ വിവിധ കലാപരിപാടികൾക്കൊപ്പം നാട്യാഞ്ജലി പൻവൽ അവതരിപ്പിക്കുന്ന നൃത്തശിൽപ്പങ്ങളും അരങ്ങേറും. സമാജത്തിലെ മുതിർന്ന അംഗങ്ങളെ ചടങ്ങിൽ ആദരിക്കും. തുടർന്ന് ഓണസദ്യയും ഒരുക്കിയിട്ടുണ്ട്.
മുംബൈയിലെ മലയാളി സമൂഹത്തിന്റെ സാംസ്കാരിക പൈതൃകവും കൂട്ടായ്മയും വിളിച്ചോതുന്ന വിപുലമായ ഓണാഘോഷത്തിനാണ് ബോംബെ കേരളീയ സമാജം വേദിയൊരുക്കുന്നത്.
കൂടുതൽ വിവരങ്ങൾക്ക്:
📞 8369349828
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളും
AMCHI MUMBAI | Every Saturday | 4:30 PM | Kairali News
