സീതാറാം യെച്ചൂരിയുമായി ദീർഘകാലത്തെ ബന്ധമാണുള്ളത്. വിദ്യാർത്ഥി പ്രസ്ഥാനത്തിന്റെയും യുവജന പ്രസ്ഥാനത്തിന്റെയും നേതാവിയിരുന്നപ്പോഴും സി പി ഐ (എം) നേതാവെന്ന നിലയിലും സീതാറാം യെച്ചൂരി മുംബൈ സന്ദർശിച്ചിട്ടുള്ള നിരവധി വേളകളിൽ അദ്ദേഹത്തോടൊപ്പം പല പരിപാടികളിലും പങ്കെടുക്കാൻ സാധിച്ചിട്ടുണ്ടെന്നും മഹാരാഷ്ട്രയിലെ മുതിർന്ന കമ്മ്യൂണിസ്റ്റ് നേതാവ് പി ആർ കൃഷ്ണൻ ഓർത്തെടുത്തു.
മുംബൈയിലെയും മഹാരാഷ്ട്രയുടെ വിവിധ ഭാഗങ്ങളിലും യെച്ചൂരിയോടൊപ്പം സഞ്ചരിക്കാനും വേദികൾ പങ്കിടാനും കഴിഞ്ഞിട്ടുണ്ടെന്ന് സി ഐ ടി യു മഹാരാഷ്ട്ര സംസ്ഥാന കമ്മിറ്റി വൈസ് പ്രസിഡന്റ് ഓർമ്മിച്ചു
മുംബൈയിൽ വന്നിട്ടുള്ള പല അവസരങ്ങളിലും വിലെ പാർലെയിലുണ്ടായിരുന്ന തന്റെ വീട്ടിൽ താമസിച്ചിട്ടുണ്ടെന്നും രണ്ടു കൊല്ലം മുൻപ് ചെമ്പൂർ ആദർശ് വിദ്യാലയത്തിൽ നടന്ന പൊതു പരിപാടിയിലാണ് അവസാനമായി കണ്ടു പിരിഞ്ഞതെന്നും പ്രിയ സഖാവിന്റെ ഓർമ്മകൾ പങ്ക് വച്ച് പി ആർ കൃഷ്ണൻ പറഞ്ഞു.
ജനാധിപത്യ മതേതര പ്രസ്ഥാനം ഇന്ത്യയിൽ ശക്തിപ്പെടുത്താൻ സീതാറാം യെച്ചൂരിയുടെ സാന്നിധ്യം ഒഴിച്ച് കൂടാൻ പറ്റാത്ത അവസരത്തിലാണ് ആകസ്മിക വേർപാടെന്നും, കമ്മ്യൂണിസ്റ്റ് പ്രസ്ഥാനത്തിന് തീരാ നഷ്ടമാണെന്നും മുതിർന്ന നേതാവ് അനുശോചിച്ചു.
- ഓണാഘോഷങ്ങളിൽ ജാതി മത രാഷ്ട്രീയം പാടില്ല – കെകെഎസ് ജനറൽ സെക്രട്ടറി
- ആത്മഹത്യാ മുനമ്പായി അടൽ സേതു; 52-കാരൻ അടൽസേതുവിൽനിന്ന് ചാടി ആത്മഹത്യചെയ്തു
- ഓൾ ഇന്ത്യ ക്രിസ്ത്യൻ അസോസിയേഷൻ രൂപീകൃതമായി; ജോജോ തോമസ് പ്രസിഡണ്ട്
- വിദേശ സർവ്വകലാശാലയെ ആശ്രയിക്കുന്ന വർദ്ധിത പ്രവണത
- ബെൻസി പ്രൊഡക്ഷൻസിന്റെ പുതിയ ചിത്രം റിലീസിനൊരുങ്ങുന്നു
