വയനാട് ദുരന്തത്തിൻ്റെ പശ്ചാത്തലത്തിൽ വിപുമായ ഓണാഘോഷ പരിപാടികൾ ഒഴിവാക്കിയാണ് മലയാളി കൂട്ടായ്മ ഓണത്തിൻ്റെ വരവറിയിച്ചു കൊണ്ടു സുഹൃദ് സംഗമം നടത്തിയത്.
ഈ വർഷം വയനാട് ജനതയെ ചേർത്തു പിടിച്ച് മലയാളി കൂട്ടായ്മകളിൽ നിന്നും ഓണാഘോഷ പരിപാടികൾക്കായി സ്വരൂപിച്ച തുക മുഴുവൻ കേരള മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നൽകുകയായിരുന്നു.
മലയാളി വനിതകളും പുരുഷന്മാരും ഇതര ഭാഷക്കാരും പരമ്പരാഗത വേഷത്തിലാണ് ചടങ്ങിനെത്തിയത്. വനിതകൾ മനോഹരമായ ഓണപ്പൂക്കളം തീർത്തു . കല സോമൻ, മായാംബിക, സീമന്തിനി മേനോൻ , സോമൻ, സുധാ നായർ എന്നീവർ ചേർന്നു അത്തപ്പൂക്കളത്തിൽ നിലവിളക്ക് കൊളുത്തി ഉദ്ഘാടനം ചെയ്തു.
തുടർന്ന് നടന്ന വൈവിധ്യമാർന്ന കലാപരിപാടികളിൽ കൈകൊട്ടികളി, തിരുവാതിര, കേരള നടനം എന്നിവ സുധാ നായരുടെ നേതൃത്വത്തിൽ അരങ്ങേറി. മനോഹരമായ നാടൻ ഓണപ്പാട്ടുകളും ദൃശ്യാവിഷ്ക്കാരവും കൂട്ടായ്മയിലെ മുഴുവൻ വനിതകളും പുരുഷന്മാരും ചേർന്നാണ് അവതരിപ്പിച്ചത്.
ഡോംബിവ്‌ലി ഗണേഷ് അയ്യർ ഗാനാലാപനത്തിനു നേതൃത്വം നൽകി . പരിപാടിയിൽ ഉടനീളം മാവേലിയായി താക്കുർളി ആനന്ദും വാമനനായി ഹരികൃഷ്ണൻ മനോജും അരങ്ങിലെത്തി.
വിവിധ ഫ്ലാറ്റുകളിലെ ഇതര ഭാഷക്കാരായ കുടുംബാംഗങ്ങളും പരിപാടിയിൽ പങ്കെടുത്തു. അമ്പലപ്പുഴ പാൽപ്പായസം , ഉണ്ണിയപ്പം, നേന്ത്രക്കായ വറുത്തത് തുടങ്ങിയ മധുര പലഹാരങ്ങൾ വിളമ്പി സൗഹൃദം പങ്കിട്ടു. മാവേലിയോടൊപ്പം സെൽഫിയെടുത്താണ് ഇവരെല്ലാം മടങ്ങിയത്.
മലയാളി കൂട്ടായ്മകളുടെ അംഗവും BSNL എംപ്ലോയീസ് യൂണിയൻ മുംബൈ ജില്ലാ മീഡിയ കോ – ഓർഡിനേറ്ററുമായ വി. പി. ശിവകുമാർ , താക്കുർളി സോമൻ, കലാ സോമൻ , മനോജ് താക്കുർളി എന്നിവർ ആഘോഷ പരിപാടികൾക്ക് മേൽനോട്ടം വഹിച്ചു .
- മുംബൈ ഫെറി ദുരന്തം; കാണാതായ കുട്ടിയുടെ മൃതദേഹം മുംബൈ തീരത്ത് കണ്ടെത്തി; മരണസംഖ്യ 15 ആയി ഉയർന്നു.
- കേളി വനിതാ നാടകോത്സവത്തിന് ഇന്ന് തുടക്കമാകും
- ശ്രീനാരായണ ഗുരുവിൻ്റെ ഏകലോക ദർശന സന്ദേശങ്ങൾ കേംബ്രിഡ്ജ് യൂണിവേഴ്സിറ്റിയിലും
- കേന്ദ്ര കലോത്സവം നാളെ ഡോംബിവിലിയിൽ; സെൽഫി മത്സരത്തിലും ആവേശക്കാഴ്ചകൾ
- അണുശക്തിനഗറിലെ ഭാഗവത സപ്താഹ യജ്ഞം പരിസമാപ്തിയിലേക്ക്
