ജാതി, മത, രാഷ്ട്രീയങ്ങൾക്ക് അധീതരാണ് മലയാളികളെന്നും, ഓണാഘോഷം അതിനൊരു ഉദാഹരണമാണെന്നും കേരളീയ കേന്ദ്ര സംഘടന ജനറൽ സെക്രട്ടറി മാത്യു തോമസ് പറഞ്ഞു. മാവേലി നാടു വാണിരുന്ന കാലം, മനുഷ്യരെല്ലാരുമൊന്നു പോലെയെന്ന വലിയ തത്വം മലയാളികൾ ഉൾക്കൊള്ളുന്നത് അതുകൊണ്ടാണെന്നും അദ്ദേഹം വിശദീകരിച്ചു. ഇന്ത്യയിൽ മറ്റൊരു സമൂഹത്തിനും നൽകാൻ കഴിയാത്ത വലിയ സന്ദേശമാണിതെന്നും ലോകത്തിന് തന്നെ മാതൃകയാണെന്നും മാത്യു തോമസ് ചൂണ്ടിക്കാട്ടി.
“മറുനാട്ടിലെ ഓണാഘോഷം ഏതൊരു പ്രവാസിക്കും കടന്നു വരാൻ കഴിയുന്ന മലയാളി സമാജങ്ങളിൽ ആയിരിക്കണം”
എന്നാൽ ഇന്ന് ജാതിയും മതവും രാഷ്ട്രീയവുമൊക്കെ കടന്നുവരുന്നത് മലയാളി സമൂഹത്തെ അപകടാവസ്ഥയിലേക്ക് നയിക്കുമോ എന്ന ആശങ്കയും മാത്യു തോമസ് പങ്ക് വച്ചു. ഒരു ഭാഷാന്യൂനപക്ഷം എന്ന നിലയിൽ മറുനാട്ടിൽ ഓണം ആഘോഷിക്കുമ്പോൾ ഏതൊരു പ്രവാസിക്കും കടന്നു വരാൻ കഴിയുന്ന മലയാളി സമാജങ്ങളിൽ തന്നെ ആഘോഷിക്കാൻ കഴിയണമെന്നും കെ കെ എസ് ജനറൽ സെക്രട്ടറി വ്യക്തമാക്കി.
ഉല്ലാസ് നഗർ ഉല്ലാസ് ആർട്സ് ആൻഡ് വെൽഫെയർ അസോസിയേഷൻ സംഘടിപ്പിച്ച ഓണാഘോഷ പരിപാടിയിൽ മുഖ്യാതിഥിയായി സംസാരിക്കുകയായിരുന്നു മുൻ ലോക കേരള സഭ മെമ്പറും സാമൂഹ്യപ്രവർത്തകനുമായ മാത്യു തോമസ്
ലോക കേരള സഭ മെമ്പറും സാമൂഹ്യ പ്രവർത്തകനും അംബർനാഥ്‌ കേരള സമാജം സെക്രട്ടറിയുമായ ടി.വി.രതീഷ് വിശിഷ്ടാതിഥിയായിരുന്നു. അസോസിയേഷൻ ഹാളിൽ നടന്ന പൊതുസമ്മേളനത്തിൽ പ്രസിഡന്റ് സുരേഷ് കുമാർ കൊട്ടാരക്കര അധ്യക്ഷത വഹിച്ചു. സെക്രട്ടറി മോഹൻ സി നായർ സ്വാഗതവും വൈസ് പ്രസിഡന്റ് ആർ ബി കുറുപ്പ് നന്ദിയും പറഞ്ഞു.
ട്രഷർ ബാബു മേനോൻ, പ്രോഗ്രാം കൺവീനർ രാഹുൽ നായർ, അഡ്വൈസറി ബോർഡ് ചെയർമാൻ വി കെ ദയാനന്ദൻ , ഇന്റെർണൽ ഓഡിറ്റർ രവിന്ദ്രൻ ജി , ലേഡീസ് വിങ്ങ് ചെയർപേഴ്സൺ ജയശ്രീ നായർ എന്നിവർ സംസാരിച്ചു.
എസ് എസ് സി, എച്ച് എസ് സി (2022-2024) പരീക്ഷകളിൽ ഉന്നത വിജയം നേടിയ വിദ്യാർത്ഥികളെ ക്യാഷ് അവാർഡും ട്രോഫിയും സർട്ടിഫിക്കറ്റും നൽകി ആദരിച്ചു.
ഓണാഘോഷപരിപാടിയിൽ ഉല്ലാസ് നഗറിലെ വിവിധ സംഘടനകളുടെ പ്രതിനിധികളെ ആദരിക്കുകയും ചെയ്തു. ഓണാഘോഷത്തോടനുബന്ധിച്ച് ഉല്ലാസ്നഗറിലെ നൂറിൽപരം കലാകാരന്മാരും കലാകാരികളും അവതരിപ്പിച്ച ചെണ്ട മേളം, ലളിതഗാനം, സിനിമഗാനം, നാടക ഗാനം, നാടൻപാട്ട്, വിവിധ തരം ഡാൻസുകൾ, കുട്ടികളുടെയും മുതിർന്നവരുടെയും കൈകൊട്ടിക്കളി, സിനിമറ്റിക് ഡാൻസ്, വള്ളംകളി തുടങ്ങി വിവിധതരം കലാപരിപാടികളും അരങ്ങേറി.
ഓണാഘോഷപരിപാടിയിൽ മഞ്ജുഷ മോഹൻ, ദിവ്യ പ്രകാശ് എന്നിവർ അവതാരകർ ആയിരുന്നു.
- മുംബൈയിലെ കാമാത്തിപ്പുരയുടെ പുനർ നിർമ്മാണം; ടെൻഡർ ക്ഷണിച്ചു
- ബോയിംഗ് 787 വിമാനം അപകട കാരണം പക്ഷിക്കൂട്ടം ?; ഇരട്ട എഞ്ചിനുകളും പ്രവർത്തനക്ഷമത നഷ്ടപ്പെട്ടു
- ഓട്ടോറിക്ഷയെ ലോക്കറാക്കി ലക്ഷങ്ങളുടെ സമ്പാദ്യം; വൈറലായതോടെ വെട്ടിലായി ഓട്ടോ ഡ്രൈവർ !!
- കല്യാൺ സാംസ്കാരിക വേദി; പ്രതിമാസ സാഹിത്യ ചർച്ചയിൽ സവിത മോഹനൻ കവിത അവതരിപ്പിക്കും
- എസ് എസ് സി പരീക്ഷയിൽ ഉന്നത വിജയം നേടിയ കുട്ടികളെ താനെയിൽ ആദരിക്കുന്നു
