മുംബൈ സാഹിത്യവേദിയിലെ മെയ് മാസ ചർച്ചയിൽ പ്രശസ്ത നർത്തകിയും കോളമിസ്റ്റുമായ നിഷ ഗിൽബർട്ട് ലേഖനം അവതരിപ്പിക്കും.
മാട്ടുംഗ കേരള ഭവനിൽ മെയ് 4 ഞായറാഴ്ച വൈകീട്ട് 4.30 ന് നടക്കുന്ന പ്രതിമാസ ചർച്ചയിൽ അക്ഷരങ്ങളെ തുള്ളിച്ച നട്ടുവൻ എന്ന ലേഖനമായിരിക്കും നിഷ അവതരിപ്പിക്കുന്നത്. തുടർന്ന് നടക്കുന്ന ചർച്ചയിൽ മുംബൈയിലെ പ്രമുഖ എഴുത്തുകാർ പങ്കെടുക്കും.
കുഞ്ചൻ നമ്പ്യാരുടെ തുള്ളൽ രചനകൾ ആണ് വിഷയം . തുള്ളൽ എന്ന കലാ രൂപമല്ല, ആ കൃതികളിലെ സാഹിത്യ ഘടകം , സാമൂഹ്യ വിമർശനം, ഹാസ്യം, ഭാഷാ പ്രയോഗങ്ങൾ, തുടങ്ങി സാഹിത്യവുമായി ബന്ധപ്പെട്ടുള്ള ലേഖനം വർത്തമാനകാല പ്രസക്തിയും സംവദിക്കും.
തുള്ളൽ , കഥകളി തുടങ്ങിയവ ഒരു കഥയോ കഥാ സന്ദർഭമോ പൂർണ്ണമായും ആവിഷ്‌ക്കരിക്കുവാൻ പ്രാപ്തമായ സാഹിത്യമാണ്. അതിനാൽ ആ രചനയ്ക്ക് സാഹിത്യ കൃതി എന്ന രീതിയിൽ വേറിട്ട ഒരു പഠനം ഉചിതം ആവുന്നു .
തുള്ളൽ എന്ന സാഹിത്യ രൂപത്തിന്റെ ഉപജ്ഞാതാവ് കുഞ്ചൻ നമ്പ്യാർ ആണ് . ഇന്നും ആ സാഹിത്യത്തിൽ ഒപ്പം വയ്ക്കാൻ ആവുന്ന ഉയരത്തിൽ മറ്റൊരാൾ കൂടി വന്നിട്ടില്ല എന്ന പ്രത്യേകത കൂടിയുണ്ട്.
