നവി മുംബൈയിലെ ദീർഘകാലമായി മുടങ്ങിക്കിടന്ന ജലഗതാഗത പദ്ധതി ഒടുവിൽ യാഥാർഥ്യമാകുന്നു. ഏറെ പ്രതീക്ഷയോടെ കാത്തിരുന്ന നെരൂൾ ഭൗച്ച ധാക്ക പാസഞ്ചർ ഫെറി സർവീസ് ഡിസംബർ 15 ന് ആരംഭിക്കും. ഇതോടെ നെരൂൾ– പ്രിൻസസ് ഡോക്ക് റൂട്ടിൽ അരമണിക്കൂറിലെത്താം. റോഡ് മാർഗം ഒന്നര മണിക്കൂർ വരെയാണ് യാത്രാസമയം.
സിഡ്കോ നിർമ്മിച്ച നെരൂൾ പാസഞ്ചർ വാട്ടർ ടെർമിനലിലെ ഒരു സുപ്രധാന നാഴികക്കല്ലായിരിക്കും ഈ പദ്ധതി.
150 കോടി രൂപ ചെലവിട്ട് സിഡ്കോ നിർമിച്ച നെരൂൾ ബോട്ട് ജെട്ടി 2023-ൽ ഉദ്ഘാടനം ചെയ്തിരുന്നുവെങ്കിലും ആവശ്യമായ ആഴമില്ലായ്മയും ടെൻഡർ പ്രശ്നങ്ങളും മൂലം മൂന്നുവർഷത്തോളം പ്രവർത്തനരഹിതമായിരുന്നു. ഈ വർഷം ആദ്യം എലിഫന്റയിലേക്കുള്ള സർവീസുകൾ ആരംഭിച്ചതോടെയാണ് ജെട്ടി വീണ്ടും സജീവമായത്.
നരിമാൻ പോയിന്റ്, ഫോർട്ട്, ബല്ലാർഡ് എസ്റ്റേറ്റ്, സിഎസ്ടി, കഫ് പരേഡ് തുടങ്ങിയ പ്രദേശങ്ങളിലേക്ക് ജോലിക്കുപോകുന്നവർക്ക് ഈ സർവീസ് ഏറെ പ്രയോജനകരമാകും. ഒരാൾക്ക് 935 രൂപയാണ് നിരക്ക്. തുടക്കത്തിൽ 20 സീറ്റുള്ള ബോട്ടാണ് സർവീസ് നടത്തുക.
നവിമുംബൈ വിമാനത്താവളം ഉടൻ പ്രവർത്തനക്ഷമമാകാനിരിക്കെ, നവിമുംബൈയിലെ ബഹുമുഖ ഗതാഗത സംവിധാനങ്ങളിൽ നെരൂൾ ബോട്ട് ജെട്ടി നിർണായക പങ്കുവഹിക്കുമെന്ന് സിഡ്കോ ചെയർമാനും മാനേജിങ് ഡയറക്ടറുമായ വിജയ് സിംഗാൾ വ്യക്തമാക്കി. ദൃഷ്ടി ഗ്രൂപ്പാണ് ബോട്ട് സർവീസ് നടത്തുന്നത്.
കർശന സുരക്ഷാ മുൻകരുതലുകളോടെയാണ് സർവീസ്. എല്ലാ യാത്രക്കാരും ലൈഫ് ജാക്കറ്റ് ധരിക്കണം. ജെട്ടിയെ വിനോദസഞ്ചാര കേന്ദ്രമാക്കി മാറ്റുന്നതിന്റെ ഭാഗമായി വരും മാസങ്ങളിൽ സ്പീഡ് ബോട്ട് ഷോ, ജറ്റ് സ്കീയിങ്, ഫ്ലോട്ടിംഗ് റെസ്റ്റോറന്റ്, ഫ്ലമിംഗോ ടൂറിസം സർക്യൂട്ട് എന്നിവയും ആരംഭിക്കുമെന്ന് സിഡ്കോ അറിയിച്ചു
ലോകത്തെവിടെയിരുന്നും മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളും അറിയാൻ Amchi Mumbai Fast News ഗ്രൂപ്പിൽ അംഗമാകൂ
https://chat.whatsapp.com/5kId2BMw8CE39ivbf4oBs5
Join our Facebook Page for regular update
https://www.facebook.com/amchimumbailive
Subscribe Amchi Mumbai YouTube Channel
