സാമൂഹിക-സാംസ്കാരിക പ്രവർത്തനങ്ങളിൽ സജീവ സാന്നിധ്യമായ കൈരളി കോംപ്ലക്സ് വനിതാദിനത്തോടനുബന്ധിച്ച് മാർച്ച് 8, ഞായറാഴ്ച വൈകിട്ട് 5.20 മുതൽ സംഗീത പരിപാടി സംഘടിപ്പിക്കുന്നു. കൈരളി സി.ബി.ഡി. വനിതാ വിങ് നേതൃത്വത്തിൽ നടക്കുന്ന ചടങ്ങിൽ പ്രശസ്ത ഗസൽ ഗായിക സുസ്മിത സംഗീത സായാഹ്നത്തെ സമ്പന്നമാക്കും.
മലയാളം, ഹിന്ദി ഉൾപ്പെടെയുള്ള ഭാഷകളിലെ ജനപ്രിയ ഗാനങ്ങൾ കോർത്തിണക്കിയുള്ള സംഗീതവിരുന്ന് കലാസ്വാദകരെയും കുടുംബങ്ങളെയും ആകർഷിക്കുന്ന തരത്തിലാണ് ചിട്ടപ്പെടുത്തിയിരിക്കുന്നത്.
വനിതാദിനാഘോഷങ്ങളുടെ ഭാഗമായി സംഘടിപ്പിക്കുന്ന പരിപാടി സ്ത്രീകളുടെ സൃഷ്ടിപ്രതിഭക്കും സാമൂഹിക സംഭാവനകൾക്കും ആദരം അർപ്പിക്കുന്ന വേദിയാകുമെന്ന് സംഘാടകർ അറിയിച്ചു. സംഗീതവും സംവാദവും നിറഞ്ഞ സായാഹ്നമായിരിക്കും പരിപാടിയെന്ന് വനിതാ വിങ് പ്രതിനിധികൾ വ്യക്തമാക്കി.
ഷീബ കൊമളൻ കൺവീനറായ കൈരളി സി.ബി.ഡി. വനിതാ വിങാണ് പരിപാടി സംഘടിപ്പിക്കുന്നത്. ജോയിന്റ് കൺവീനർ: ബിനു സാബു, വനിതാ വിങ് അംഗങ്ങൾ ചേർന്നൊരുക്കുന്ന പരിപാടിയുടെ ഒരുക്കങ്ങൾ അവസാനഘട്ടത്തിലാണെന്ന് സംഘാടകർ അറിയിച്ചു. വനിതകളുടെ സജീവ പങ്കാളിത്തം ഉറപ്പാക്കിയാണ് ചടങ്ങ് ഒരുക്കിയിരിക്കുന്നത്.
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളുമായി | AMCHI MUMBAI | EVERY SATURDAY 4.30 P.M. | KAIRALI NEWS
