മറാഠി–മലയാളി എത്നിക് ഫെസ്റ്റിവലിന്റെ ഏഴാം സീസൺ ഫെബ്രുവരി 20 വെള്ളിയാഴ്ച ആരംഭിച്ചു.
ഫെബ്രുവരി 20, 21, 22 തീയതികളിലായി മൂന്നു ദിവസം നീണ്ടുനിൽക്കുന്ന പരിപാടികൾ വർളിയിൽ, കേന്ദ്ര സാംസ്കാരിക മന്ത്രാലയത്തിനു കീഴിലുള്ള നെഹ്റു സയൻസ് സെന്ററിലാണ് നടക്കുന്നത്.
ഇന്ന് നടന്ന ചിത്രരചനാ മത്സരത്തിൽ 43 സ്കൂളുകളിൽ നിന്നും കുട്ടികൾ പങ്കെടുത്തു.
നാളെ ശനിയാഴ്ച ദേശ ഭക്തി ഗാനം, പ്രസംഗം എന്നീ ഇനങ്ങളിൽ മത്സരങ്ങൾ നടക്കും.
ഉച്ചകഴിഞ്ഞു 4 മണിക്ക് കവി സമ്മേളനത്തിൽ അൻപതിലതികം മറാത്തി മലയാളി കവികൾ പങ്കെടുക്കും. തുടർന്ന് നടക്കുന്ന ഉത്ഘാടന സമ്മേളനത്തിൽ മുംബൈ യൂണിവേഴ്സിറ്റി വൈസ് ചാൻസലർ പ്രൊഫ. രവീന്ദ്ര കുൽക്കർണി മുഖ്യാഥിതിയായിരിക്കും.
22 ഞായറാഴ്ച മലയാളികളുടെ പരമ്പരാഗത നൃത്തരൂപമായ മോഹിനിയാട്ടം, ഭാരതനാട്യം, മറാത്തി നൃത്തരൂപങ്ങളായ ലാവണി, കോളി എന്നീ ഇനങ്ങളിൽ മത്സരങ്ങൾ നടക്കും. വൈകിട്ട് ആറരയ്ക്ക് നടക്കുന്ന സമാപന സമ്മേളനത്തിൽ സാമൂഹിക, രാഷ്ട്രീയ, സാംസ്കാരിക രംഗങ്ങളിലെ പ്രമുഖർ പങ്കെടുക്കും.
തെരഞ്ഞെടുക്കപ്പെട്ട കലാകാരികൾ അവതരിപ്പിക്കുന്ന ലാവണി, കോളി ഡാൻസ്, മംഗള ഗൗരി തുടങ്ങിയ മഹാരാഷ്ട്രയുടെ കലാരൂപങ്ങളും, മോഹിനിയാട്ടം, മാർഗംകളി, നാടോടിനൃത്തങ്ങൾ തുടങ്ങിയ കേരളീയ കലാരൂപങ്ങളും എല്ലാ ദിവസവും വൈകുന്നേരം അഞ്ചു മുതൽ എട്ടു മണി വരെ അരങ്ങേറുമെന്ന് പ്രോഗ്രാം ഡയറക്ടർ ജോജോ തോമസ് അറിയിച്ചു.
വിവരങ്ങൾക്ക്
9920442272/9821589956
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളുമായി | AMCHI MUMBAI | FEBRUARY 14, 2026 | EVERY SATURDAY 4.30 P.M. | KAIRALI NEWS
