മുംബൈ: വരാനിരിക്കുന്ന കേരള നിയമസഭാ തെരഞ്ഞെടുപ്പിൻ്റെ പ്രഭാരിയും ബി. ജെ. പി ദേശീയ ജനറൽ സെക്രട്ടറിയുമായ വിനോദ് ശ്രീധർ താവ്ഡെയുമായി ബി.ജെ.പി മഹാരാഷ്ട്ര കേരള വിഭാഗം കൺവീനർ ഉത്തംകുമാർ അദ്ദേഹത്തിൻ്റെ വസതിയിൽ കൂടിക്കാഴ്ച നടത്തി.
മഹാരാഷ്ട്രയിലുള്ള മലയാളി പ്രവർത്തകരുടെ സാന്നിദ്ധ്യം കേരളത്തിൽ ഉണ്ടാകണമെന്ന് വിനോദ് തവ്ഡെ നിർദ്ദേശിച്ചു. മലയാളി ബി.ജെ.പി. പ്രവർത്തകരുടെ പട്ടികയുണ്ടാക്കി സമർപ്പിക്കാനും ആവശ്യപ്പെട്ടു. സ്വന്തം സ്ഥലത്തുള്ള മണ്ഡലങ്ങളിൽ മഹാരാഷ്ട്രയിൽ നിന്നുള്ള പ്രവർത്തകർ പോയി പ്രവർത്തിക്കണമെന്നും വിനോദ് തവ്ഡെ ആവശ്യപ്പെട്ടു.
മഹാരാഷ്ട്രയിൽ വസിക്കുന്ന മലയാളി സമൂഹം ബി.ജെ.പി സർക്കാരിൻ്റെ വികസന പ്രവർത്തനങ്ങൾ നേരിട്ടനുഭവിച്ചറിയുന്നവരാണ് കേരളത്തിലുള്ള ബന്ധുക്കളേയും സുഹൃത്തുക്കളേയും ഫോൺ വഴിയും സാമൂഹ്യ മാധ്യമങ്ങൾ വഴിയും ഇത്തവണ ഒരു വോട്ട് ബി.ജെ പി ക്കെന്ന പ്രചാരണം കേരള സംസ്ഥാനത്ത് വ്യാപകമായി നടത്താനും കൂടിക്കാഴ്ചയിൽ തീരുമാനിച്ചു.
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളുമായി | AMCHI MUMBAI | EVERY SATURDAY 4.30 P.M. | KAIRALI NEWS
