ഡോംബിവ്ലി കേരളീയ സമാജം സംഘടിപ്പിച്ച വിഷു ഈസ്റ്റർ ആഘോഷം ശ്രദ്ധേയമായി. ചടങ്ങിൽ പങ്കെടുത്ത സമാജം കുടുംബാംഗങ്ങൾക്ക് വിഷുക്കൈനീട്ടം നൽകിയാണ് ആഘോഷരാവിന് തുടക്കമിട്ടത്. ഏപ്രിൽ 12 ഞായറാഴ്ച ഡോംബിവ്ലി തുഞ്ചൻ സ്മാരക ഹാളിൽ നടന്ന പരിപാടിയിൽ സിനിമ ടെലിവിഷൻ താരം അനീഷ് രവി മുഖ്യാതിഥിയായിരുന്നു.
ഒരുമയുടെ സന്ദേശം ഉയർത്തിപ്പിടിച്ച് ഏഷ്യയിലെ ഏറ്റവും വലിയ മലയാളി സമാജം സംഘടിപ്പിച്ച വിഷു ഈസ്റ്റർ ആഘോഷത്തിൽ പങ്കെടുക്കാൻ കഴിഞ്ഞതിൽ അഭിമാനവും സന്തോഷവുമുണ്ടെന്ന് അനീഷ് രവി പറഞ്ഞു. പ്രതീക്ഷകളും പ്രത്യാശകളുമാണ് ജീവിതത്തെ വർണാഭമാക്കുന്നതെന്നും അനീഷ് രവി കൂട്ടിച്ചേർത്തു.
കേരളീയ സമാജത്തിന്റെ വിഷു ഈസ്റ്റർ ആഘോഷവേദിയിൽ തിളങ്ങി സിനിമാ ടെലിവിഷൻ താരങ്ങൾ. കവിതകൾ ആലപിച്ചും വിഷു ഈസ്റ്റർ വിശേഷങ്ങൾ പങ്ക് വച്ചുമാണ് അനീഷ് തന്റെ സ്വതസിദ്ധമായ ശൈലിയിൽ സദസ്സിനെ കൈയ്യിലെടുത്തത്.
സെന്റ് മേരീസ് ഓർത്തഡോക്സ് പള്ളി വികാരി ഫാദർ ജോഷുവ എബ്രഹാം, സീരിയൽ താരം ശാലു കുര്യൻ എന്നിവർ വിശിഷ്ടാതിഥികളായിരുന്നു.
ചടങ്ങിൽ സോവനീർ പ്രകാശനവും നടന്നു
സമാജം പ്രസിഡന്റ് ഇ പി വാസു, ജനറൽ സെക്രട്ടറി രാജശേഖരൻ നായർ, ഫിനാൻസ് സെക്രട്ടറി ബിനോയ് തോമസ്, കലാവിഭാഗം സെക്രട്ടറി സുരേഷ് കുമാർ കെ കെ എന്നിവർ പ്രസംഗിച്ചു.
സമാജം ചെയർമാൻ വർഗ്ഗീസ് ഡാനിയൽ പുതിയ പ്രഖ്യാപനങ്ങൾ നടത്തിയും വിഷു ഈസ്റ്റർ കവിതകൾ ആലപിച്ചുമാണ് കൈയ്യടി നേടിയത്.
തുടർന്ന് അംഗങ്ങൾ അവതരിപ്പിച്ച കലാപരിപാടികളും അരങ്ങേറി
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളുമായി | AMCHI MUMBAI | APRIL 11 2026 SATURDAY 4.30 P.M. | KAIRALI NEWS
