മുംബൈ: മലയാളം മിഷൻ മുംബൈ ചാപ്റ്ററിന്റെ പൊതുയോഗം ഏപ്രിൽ 19 ഞായറാഴ്ച രാവിലെ 9.30 മുതൽ ചെമ്പൂരിലെ ആദർശ വിദ്യാലത്തിൽ നടക്കും. പ്രശസ്ത കവിയും മലയാളം മിഷൻ ഡയറക്ടറുമായ മുരുകൻ കാട്ടാക്കട പൊതുയോഗം ഉദ്ഘാടനം ചെയ്യും.
ജനറൽ കൗൺസിൽ രൂപീകരണം, ചാപ്റ്റർ പ്രവർത്തക സമിതി രൂപീകരണം, ഉപദേശക സമിതി രൂപീകരണം എന്നിവയോടൊപ്പം അധ്യാപകർക്ക് തിരിച്ചറിയൽ കാർഡ് വിതരണം, 2025 ലെ പഠനോത്സവ സർട്ടിഫിക്കറ്റ് വിതരണം തുടങ്ങിയ പ്രധാന പരിപാടികളും യോഗത്തിൽ നടക്കും.
മുംബൈ ചാപ്റ്ററിന്റെ കീഴിലുള്ള പന്ത്രണ്ട് മേഖലകളിലെ പഠനകേന്ദ്രങ്ങളിൽ നിന്നുള്ള അധ്യാപകർ, പ്രവർത്തക സമിതി അംഗങ്ങൾ, ജനറൽ കൗൺസിൽ അംഗങ്ങൾ, മേഖല പ്രതിനിധികൾ എന്നിവരടക്കം നിരവധി പേർ പൊതുയോഗത്തിൽ പങ്കെടുക്കും.
മലയാളം ഭാഷയുടെ പ്രചാരവും പഠന പ്രവർത്തനങ്ങളും കൂടുതൽ ശക്തിപ്പെടുത്തുന്നതിനുള്ള നിർണായക തീരുമാനങ്ങൾ ഈ പൊതുയോഗത്തിൽ കൈക്കൊള്ളുമെന്ന് സെക്രട്ടറി രാമചന്ദ്രൻ മഞ്ചറമ്പത്ത് അറിയിച്ചു.
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളുമായി | AMCHI MUMBAI | APRIL 11 2026 SATURDAY 4.30 P.M. | KAIRALI NEWS
