മുംബൈ: ശ്രീനാരായണ ധർമ്മ പരിപാലന യോഗം (എസ്.എൻ.ഡി.പി യോഗം) മുംബൈ–താനെ യൂണിയന്റെ വിശേഷാൽ പൊതുയോഗം 2026 ഏപ്രിൽ 19 ഞായറാഴ്ച രാവിലെ 10 മണിക്ക് സംഘടിപ്പിക്കുന്നു.
നവിമുംബൈ കോപ്പർഖൈർനയിലെ സഹകാർ ഭവൻ ഹാളിൽ നടക്കുന്ന യോഗം യൂണിയൻ കൗൺസിൽ അംഗമായ ബി. സുശീലൻ അധ്യക്ഷനാകും. യൂണിയന്റെ എല്ലാ പൊതുയോഗ പ്രതിനിധികളും യോഗത്തിൽ പങ്കെടുക്കുമെന്ന് സെക്രട്ടറി ബിനു സുരേന്ദ്രൻ അറിയിച്ചു.
യോഗത്തിന്റെ കാര്യപരിപാടികളിൽ ഗുരുസ്മരണം, സ്വാഗതം, അനുശോചനം, അധ്യക്ഷന്റെ ഉപക്രമം, 2019 മുതൽ 2024 വരെയുള്ള വരവ്–ചെലവ് കണക്കുകളും ബാലൻസ് ഷീറ്റും അവതരിപ്പിച്ച് പാസാക്കൽ, സംഘടനാ വിഷയങ്ങളും ഭാവിപരിപാടികളും ചർച്ച ചെയ്യൽ, അധ്യക്ഷന്റെ ഉപസംഹാരം, കൃതജ്ഞത എന്നിവ ഉൾപ്പെടും.
പൊതുയോഗ പ്രതിനിധികൾക്ക് മാത്രമാണ് ഹാളിലേക്ക് പ്രവേശനമെന്ന് യൂണിയൻ വ്യക്തമാക്കി.
മുംബൈ ഘാട്കോപ്പർ ഈസ്റ്റിലെ കനാര ബിസിനസ് സെന്ററിൽ പ്രവർത്തിക്കുന്ന എസ്.എൻ.ഡി.പി മുംബൈ–താനെ യൂണിയൻ ഓഫീസിൽ നിന്നാണ് അറിയിപ്പ് പുറപ്പെടുവിച്ചിരിക്കുന്നത്.
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളുമായി | AMCHI MUMBAI | APRIL 11 2026 SATURDAY 4.30 P.M. | KAIRALI NEWS
