കേരളീയ സമാജം (Regd) ഡോംബിവ്ലി സംഘടിപ്പിക്കുന്ന സാഹിത്യസായാഹ്നത്തിൽ പുസ്തക പ്രകാശനവും ചർച്ചയും നടക്കും. മെയ് 10-ന് വൈകുന്നേരം 4:30ന് പാണ്ഡുരംഗവാഡിയിലെ മോഡൽ സ്കൂൾ ഓഡിറ്റോറിയത്തിലാണ് പരിപാടി അരങ്ങേറുന്നത്.
കെ. രാജൻ രചിച്ച് പരിധി പബ്ലിക്കേഷൻസ് പ്രസിദ്ധീകരിച്ച “Resolute on the Path of Struggles – P. R. Krishnan’s Life in Maharashtra” എന്ന ജീവചരിത്രഗ്രന്ഥം ചടങ്ങിൽ പ്രകാശനം ചെയ്യും. കേരളീയ സമാജം പ്രസിഡന്റ് ഇ. പി. വാസു, സമാജം ജനറൽ സെക്രട്ടറി രാജശേഖരൻ നായർക്ക് ആദ്യ പ്രതി നൽകി പ്രകാശനം നിർവഹിക്കും.
പ്രമുഖ സാഹിത്യകാരനും നിരൂപകനുമായ സി. പി. കൃഷ്ണകുമാർ ഗ്രന്ഥാവലോകനം നടത്തും. പി. ആർ. കൃഷ്ണന്റെ സാന്നിധ്യത്തിൽ നടക്കുന്ന ചർച്ചയിൽ മുംബൈയിലെ പ്രമുഖ സാമൂഹിക-സാംസ്കാരിക പ്രവർത്തകർ പങ്കെടുക്കും.
സാഹിത്യ-സാംസ്കാരിക രംഗത്തെ സജീവ ഇടപെടലായി ഈ പരിപാടി മാറുമെന്ന് സംഘാടകർ അറിയിച്ചു. പരിപാടിയുടെ ഏകോപനം ആർട്സ് & കൾച്ചർ സെക്രട്ടറി കെ. കെ. സുരേഷ് ബാബുവും സാഹിത്യസായാഹ്നം കൺവീനർ ജോയ് ഗുരുവായൂരും നിർവഹിക്കുന്നു.
കൂടുതൽ വിവരങ്ങൾക്ക്: 7715057407 / 9820886717
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളുമായി | AMCHI MUMBAI | SATURDAY 4.30 P.M. | KAIRALI NEWS
