ഡോംബിവ്ലി: കേരളീയ സമാജം (രജിസ്റ്റേർഡ്) ഡോംബിവ്ലി (KSD) ജൂൺ 14-ന് സംഘടിപ്പിച്ച സാഹിത്യസായാഹ്നത്തിൽ എഴുത്തുകാരി ജയശ്രീ സുരേഷിന്റെ കഥകളും കവിതകളും വിശകലനാത്മകമായി ചർച്ച ചെയ്യപ്പെട്ടു. KSD വൈസ് പ്രസിഡന്റ് എം. ബി. സുരേന്ദ്രൻനായർ അധ്യക്ഷത വഹിച്ചു.
KSD പ്രസിഡന്റ് ഇ. പി. വാസു ഉദ്ഘാടനം നിർവഹിച്ച ചടങ്ങിൽ ടി. കെ. രാജേന്ദ്രൻ, സി. എച്ച്. ബാലക്കുറുപ്പ്, സുനിൽ കല്ലിക്കട, ടി. വി. കെ. മൂർത്തി, മുത്തുകൃഷ്ണൻ, എം. എം. രഘൂത്തമൻ, ആർ. നാരായണൻകുട്ടി, കളത്തൂർ വിനയൻ, രമേഷ് വാസു, ബിന്ദു പത്മനാഭൻ, ഡോ. പി. പി. രാധാകൃഷ്ണൻ, ഇ. ഹരീന്ദ്രനാഥ്, ജോർജ് സേവ്യർ, പി. വിജയകുമാർ, രാധാകൃഷ്ണൻ എന്നിവർ കൃതികളെ വിലയിരുത്തി സംസാരിച്ചു.
ചർച്ചയിൽ പങ്കെടുത്തവർ ജയശ്രീ സുരേഷിന്റെ രചനകളിലെ സാമൂഹിക പ്രതിബദ്ധത, ഭാഷയുടെ ലാളിത്യം, സ്ത്രീജീവിതത്തിന്റെ അനുഭവലോകം, സമകാലിക വിഷയങ്ങളോടുള്ള സമീപനം തുടങ്ങിയവയെ എടുത്തുകാട്ടി. വിവിധ വീക്ഷണങ്ങളിലൂടെ നടന്ന സംവാദം സാഹിത്യസായാഹ്നത്തിന് ഗൗരവവും വൈവിധ്യവും നൽകി.
തുടർന്ന് എഴുത്തുകാരി ജയശ്രീ സുരേഷ് മറുപടി പ്രസംഗം നടത്തി. വായനക്കാരുടെയും നിരൂപകരുടെയും അഭിപ്രായങ്ങൾ തന്റെ എഴുത്തുയാത്രയ്ക്ക് പ്രചോദനമാണെന്ന് അവർ പറഞ്ഞു.
KSD ആർട്സ് ആൻഡ് കൾച്ചർ സെക്രട്ടറി കെ. കെ. സുരേഷ് ബാബു സ്വാഗതം ആശംസിച്ചു. സാഹിത്യസായാഹ്നം കൺവീനർ ജോയ് ഗുരുവായൂർ ചർച്ച നിയന്ത്രിക്കുകയും നന്ദി രേഖപ്പെടുത്തുകയും ചെയ്തു.
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളുമായി | AMCHI MUMBAI | JUNE 13 2026 SATURDAY 4.30 P.M. | KAIRALI NEWS
