റെയിൻബോ സിനി പ്രൊഡക്ഷൻ്റെ ബാനറിൽ ഷീജ വർഗ്ഗീസും പുഷ്പ മാർബറോസും ചേർന്ന് നിർമ്മിച്ച ഹ്രസ്വചിത്രമായ “തെരുവിലെ സ്വപ്നം” മുംബൈയിൽ പ്രദർശിപ്പിച്ചു. 2026 ജൂൺ 7 ഞായറാഴ്ച വൈകിട്ട് 4 മണിക്ക് മുംബൈ ശ്രീ നാരായണ കോളേജിൽ SNMS സാംസ്കാരിക വിഭാഗത്തിൻ്റെ നേതൃത്വത്തിൽ നടന്ന ചടങ്ങിലാണ് ചിത്രം ഔദ്യോഗികമായി റിലീസ് ചെയ്തത്. SNMS പ്രസിഡൻ്റ് M.I. ദാമോദരനാണ് റിലീസ് നിർവഹിച്ചത്.
പുഷ്പ മാർബറോസിൻ്റെ കഥയെ അടിസ്ഥാനമാക്കി രൂപകൽപ്പന ചെയ്ത ചിത്രത്തിന് KAG വർഗീസ് ആണ് സംവിധാനം നിർവഹിച്ചത്. ഇതിനോടകം തന്നെ ചിത്രം രണ്ട് അവാർഡുകൾ കരസ്ഥമാക്കി ശ്രദ്ധ നേടിയിരിക്കുകയാണ്. മിനി വേണുഗോപാൽ (അംബർനാഥ്) മികച്ച സഹനടിയായും വിഷ്ണു മികച്ച എഡിറ്ററായും തിരഞ്ഞെടുക്കപ്പെട്ടു.
ചിത്രത്തിൽ ജ്യോതി (അംബർനാഥ്), രാജീവൻ (അംബർനാഥ്) എന്നിവരും പ്രധാന വേഷങ്ങളിൽ അഭിനയിച്ചിട്ടുണ്ട്. പാലക്കാട് Little Drops English Medium School വിദ്യാർത്ഥിനിയായ റിഥി കൃഷ്ണയാണ് പ്രധാന കഥാപാത്രത്തെ അവതരിപ്പിച്ചത്.
സാമൂഹിക വിഷയങ്ങളെ സ്പർശിക്കുന്ന കഥാസന്ദർഭങ്ങളും ശക്തമായ അവതരണ ശൈലിയും ചിത്രത്തിന് പ്രേക്ഷക ശ്രദ്ധ നേടിക്കൊടുത്തതായി അണിയറ പ്രവർത്തകർ അറിയിച്ചു. റിലീസിന് ശേഷം ചിത്രം മികച്ച പ്രതികരണമാണ് ലഭിച്ചു കൊണ്ടിരിക്കുന്നത്.
മുംബൈയിലെ മലയാളി സാംസ്കാരിക വേദികളിൽ ശ്രദ്ധേയമായ ഒരു സംഭാവനയായി “തെരുവിലെ സ്വപ്നം” മാറിയിരിക്കുകയാണെന്ന് സംഘാടകർ വ്യക്തമാക്കി
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളുമായി | AMCHI MUMBAI | EVERY SATURDAY 4.30 P.M. | KAIRALI NEWS
