മലയാളം മിഷന്റെ ആഭിമുഖ്യത്തിൽ ട്രോംബെ ടൗൺഷിപ്പ് ഫൈൻ ആർട്സ് ക്ലബ് (TTFAC) നടത്തുന്ന മലയാളം ക്ളാസ്സുകളുടെ പുതിയ അധ്യയന വർഷത്തേക്കുള്ള “പ്രവേശനോത്സവം” 2026 ഓഗസ്റ്റ് 9-ന് (ഞായറാഴ്ച) രാവിലെ 11.00 മണിക്ക് അണുശക്തിനഗറിലെ AECS-2 സ്കൂൾ അങ്കണത്തിൽ നടക്കും.
മലയാള ഭാഷയുടെയും സംസ്കാരത്തിന്റെയും പൈതൃകം പുതിയ തലമുറയിലേക്ക് പകർന്നു നൽകുക എന്ന ലക്ഷ്യത്തോടെ സംഘടിപ്പിക്കുന്ന ചടങ്ങിൽ ശാസ്ത്ര പ്രചാരകനും, എഴുത്തുകാരനും, മലയാളം മിഷൻ മുംബൈ ചാപ്റ്ററിന്റെ ചെയർമാനുമായ ഡോ. എ.പി. ജയറാമൻ മുഖ്യാതിഥിയായിരിക്കും. മലയാളം ക്ലാസിലേക്ക് പുതുതായി പ്രവേശനം നേടുന്ന കുട്ടികളെയും രക്ഷിതാക്കളെയും ചടങ്ങിലേക്ക് ഹാർദ്ദമായി സ്വാഗതം ചെയ്യുന്നതോടൊപ്പം ഓണാഘോഷങ്ങളുടെ തുടക്കവും, കുട്ടികളവതരിപ്പിക്കുന്ന “കൂട്ടുകാർ” എന്ന നാടകവും മറ്റ് കലാപരിപാടികളും ഉണ്ടായിരിക്കും.
പഠിതാക്കളെയും, അവരുടെ രക്ഷിതാക്കളെയും, മലയാള ഭാഷാസ്നേഹികളേയും ചടങ്ങിലേക്ക് സ്വാഗതം ചെയ്യുന്നതായി ടി.ടി.എഫ്..എ.സി ഭാരവാഹികൾ അറിയിച്ചു. കണിക്കൊന്ന, സൂര്യകാന്തി, ആമ്പൽ, നീലക്കുറിഞ്ഞി ക്ളാസ്സുകളിലേക്കാണ് പ്രവേശനം ആരംഭിക്കുന്നത്.
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളുമായി | AMCHI MUMBAI | EVERY SATURDAY 4.30 P.M. | KAIRALI NEWS
