കല്യാൺ: ഈസ്റ്റ് കല്യാൺ കേരള സമാജത്തിന്റെ ആഭിമുഖ്യത്തിൽ ഓണാരവം 2026 സെപ്റ്റംബർ 27 ഞായറാഴ്ച രാവിലെ 9.30 മുതൽ കോൾസേവാടിയിലെ മോഡൽ ഇംഗ്ലീഷ് ഹൈസ്കൂളിൽ നടക്കും.

ഓണാഘോഷത്തിന്റെ ഭാഗമായി മാവേലിയുടെ വരവേൽപ്പ്, വിവിധ കലാപരിപാടികൾ, എസ്.എസ്.സി., എച്ച്.എസ്.സി. പരീക്ഷകളിൽ മികച്ച വിജയം നേടിയ വിദ്യാർഥികളെ ആദരിക്കൽ, സ്കോളർഷിപ്പ് വിതരണം, ഓണസദ്യ എന്നിവ സംഘടിപ്പിക്കും. പുരുഷന്മാർക്കും വനിതകൾക്കുമായി വടംവലി മത്സരവും ഉണ്ടായിരിക്കും.

മലയാളി സമൂഹത്തിന്റെ പാരമ്പര്യവും സംസ്കാരവും കൂട്ടായ്മയും വിളിച്ചോതുന്ന ആഘോഷത്തിൽ സമാജം അംഗങ്ങളും കുടുംബാംഗങ്ങളും സുഹൃത്തുക്കളും പങ്കെടുക്കണമെന്ന് സംഘാടകർ അറിയിച്ചു.

പ്രസിഡന്റ് ലളിത ജെ. മേനോൻ, സെക്രട്ടറി സംഗീത് ആർ. നായർ, ട്രഷറർ ജ്യോതിസ് യു. കൈമൾ എന്നിവരുടെ നേതൃത്വത്തിലാണ് പരിപാടി സംഘടിപ്പിക്കുന്നത്.

മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളും
AMCHI MUMBAI | Every Saturday | 4:30 PM | Kairali News