കേരളീയ സമാജം ഡോംബിവ്ലിയുടെ ഓണാഘോഷത്തിൻ്റെ (ഓണോത്സവം -24 ) ഭാഗമായി സംഘടിപ്പിച്ച പൂക്കളമത്സരത്തിൽ ആതിര മംഗലാട്ട് ,പുഷ്പ ചന്ദ്രശേഖരൻ ,അജിത ബാലകൃഷ്ണൻ ,സിന്ധു ബാബു ,നന്ദന ബാബു ,സ്മിത നമ്പ്യാർ ,ഉഷ ബാബുരാജ് ,അനിത നമ്പ്യാർ എന്നിവർ ഉൾപ്പെടുന്ന ടീം കണിക്കൊന്ന ടീം ഒന്നാം സ്ഥാനം നേടി.
ഉമാ നായർ ,രജനി നായർ ,പൊന്നമ്മ നായർ, ഗൗരിലക്ഷ്മി ,അനുപമ സഞ്ജയ് ,സ്മിത ജയരാജ്, ചിത്ര രാജീവ്, സുനന്ധ രാമചന്ദ്രൻ എന്നിവരുടെ ടീം താമരയാണ് രണ്ടാം സ്ഥാനത്ത്.
നീതുമോൾ പിള്ള, ലീന പിള്ള ,മധുസൂദനൻ പിള്ള ,സിന്ധു വിജയകുമാർ ,വിജയകുമാർ എസ് ,വിപിൻ വിജയകുമാർ ,വിമൽ വിജയകുമാർ അംബിക മേനോൻ എന്നിവർ ചേർന്നുള്ള തുമ്പപ്പൂവിന് മൂന്നാം സ്ഥാന വും ലഭിച്ചു.
ഇത്തവണ പതിവിൽ നിന്നും വിപരീതമായി പൂക്കള മത്സരത്തിൽ അംഗങ്ങളുടെ വലിയ പങ്കാളിത്തമാണ് ഉണ്ടായിരുന്നതെന്നും വലിയൊരു ആഘോഷത്തിന്റെ പ്രതീതിയാണ് മത്സരത്തിൽ ക്നാനായതെന്നും സമാജം ചെയർമാൻ വർഗ്ഗീസ് ഡാനിയൽ പറഞ്ഞു.
26 ടീമുകൾ മത്സരത്തിൽ പങ്കെടുത്തു. ഒന്നാംസ്ഥാനം നേടിയവർക്ക് 15000 രൂപയും രണ്ടും മൂന്നും സ്ഥാനം ലഭിച്ചവർക്ക് യഥാക്രമം പതിനായിരവും ഏഴായിരത്തി അഞ്ഞൂറ് രൂപയും ക്യാഷ് അവാർഡായി ഭരണസമിതി അംഗങ്ങൾ സമ്മാനിച്ചു . മറ്റെല്ലാ ടീമുകൾക്കും മൂവായിരം രൂപയും പാരിതോഷികമായി നൽകി. കമ്പൽ പാഡ മോഡൽ കോളേജിലാണ് മത്സരം സംഘടിപ്പിച്ചിരുന്നത്.
പ്രശസ്ത ശിൽപ്പിയും ചിത്രകാരനുമായ സജു കുഞ്ഞൻ , ചിത്രകാരനും കാർട്ടൂണിസ്റ്റുമായ ജെയിംസ് മണലോടി എന്നിവരായിരുന്നു വിധികർത്താക്കൾ .
വയനാട് ദുരന്തത്തിൽ മരണപ്പെട്ടവർക്ക് ആദരാഞ്ജലികൾ അർപ്പിച്ചുകൊണ്ടാണ് കോളേജിലെ സ്വാതന്ത്ര്യ ദിനപരിപാടികളും പൂക്കളമത്സരത്തിൻ്റെ ഉദ്ഘാടന ചടങ്ങും പ്രസിഡന്റ് രാധാകൃഷ്ണൻ നായരുടെ അധ്യക്ഷതയിൽ നടന്നത് .
