നവി മുംബൈയിൽ നിന്ന് YesWe Creationsന്റെ ബാനറിൽ ഓണത്തിനിറങ്ങിയ മലയാളം മ്യൂസിക്കൽ ആൽബമാണ് “അരികിൽ”
നവിമുംബൈ ഉൾവയിൽ താമസിക്കുന്ന ഷീബ വാസന്റെ വരികൾകൾക്ക് യുവ സംഗീത സംവിധായകൻ മഹേശ്വറാണ് ഈണം നൽകിയിരിക്കുന്നത്. പ്രശസ്ത പിന്നണിഗായകൻ അഭിജിത്ത് കൊല്ലമാണ് ആലാപനം. ഈ ബാനറിൽ ഇറങ്ങുന്ന ഏഴാമത്തെ മ്യൂസിക്കൽ ആൽബമാണ് അരികിൽ.
പാലക്കാടിന്റെ പ്രകൃതി ഭംഗിയിൽ ചിത്രീകരിച്ച ആൽബത്തിന്റെ സംവിധാനവും സ്ക്രിപ്റ്റും നിർവഹിച്ചിട്ടുള്ളത് കെവിൻ രാമചന്ദ്രനാണ്, ശ്രീവത്സനാണ് ഛായാഗ്രഹണം. ഒട്ടനവധി സിനിമകളിൽ ബാലതാരമായി തിളങ്ങിയിട്ടുള്ള വിഷ്‌ണു ശശികുമാറാണ് നായകൻ. പുതുമുഖ താരം അനന്യ നായികയും ശരത് സഹനടനായും വേഷമിടുന്നു.
സ്വതന്ത്ര സംഗീത സംവിധാനത്തിൽ ശ്രദ്ധനൽകുന്ന മഹേശ്വർ മുംബൈയിലെ അറിയപ്പെടുന്ന ഗായകരിലൊരാളാണ്. മഹേശ്വറിന്റെ സംവിധാനത്തിൽ ഇതിന് മുന്നേ റിലീസ് ചെയ്ത “ഓണപൂത്താലം “, “എന്റെ നാഥൻ ”എന്ന ആൽബങ്ങളും ഏറെ പ്രേക്ഷക പ്രശംസ നേടിയ ആൽബങ്ങളായിരുന്നു.
റേഡിയോ കൊച്ചി 90fm സംപ്രേക്ഷണത്തിനായി സെലക്ട്‌ ചെയ്ത ഈ ഗാനം ഓണം സ്പെഷ്യൽ ആയി സംപ്രേക്ഷണം ചെയ്യുന്നുണ്ട്.
- മുംബൈ ഫെറി ദുരന്തം; കാണാതായ കുട്ടിയുടെ മൃതദേഹം മുംബൈ തീരത്ത് കണ്ടെത്തി; മരണസംഖ്യ 15 ആയി ഉയർന്നു.
- കേളി വനിതാ നാടകോത്സവത്തിന് ഇന്ന് തുടക്കമാകും
- ശ്രീനാരായണ ഗുരുവിൻ്റെ ഏകലോക ദർശന സന്ദേശങ്ങൾ കേംബ്രിഡ്ജ് യൂണിവേഴ്സിറ്റിയിലും
- കേന്ദ്ര കലോത്സവം നാളെ ഡോംബിവിലിയിൽ; സെൽഫി മത്സരത്തിലും ആവേശക്കാഴ്ചകൾ
- അണുശക്തിനഗറിലെ ഭാഗവത സപ്താഹ യജ്ഞം പരിസമാപ്തിയിലേക്ക്
