തൊണ്ണൂറുകളിലെ മലയാളി പ്രേക്ഷകരുടെ പ്രിയപ്പെട്ട നായികയായിരുന്നു നദിയ മൊയ്തു. 1984-ൽ പുറത്തിറങ്ങിയ ‘നോക്കെത്താത്തൊരു കണ്ണും നട്ട്’ എന്ന സൂപ്പർഹിറ്റ് ചിത്രത്തിലെ ഗേളിയെന്ന ഒറ്റ കഥാപാത്രത്തിലൂടെ മലയാളി പ്രേക്ഷകരുടെ ഹൃദയം കീഴടക്കിയ നടിയാണ് നദിയ മൊയ്തു. ഏകദേശം നാല് പതിറ്റാണ്ടുകൾക്ക് ശേഷവും തൻ്റെ ‘എവർഗ്രീൻ’ ലുക്കിന് പിന്നിലെ രഹസ്യം ജീവിതത്തെ അത്ര ഗൗരവമായി എടുക്കാത്തതാണെന്നും നിങ്ങളെ സ്നേഹിക്കുന്നവരോടൊപ്പം കൂടുതൽ സമയം ചെലവഴിക്കാനും നിത്യഹരിത നായിക പറയുന്നു.
മുംബൈയിൽ ജനിച്ചു വളർന്ന നദിയ മലയാളം കൂടാതെ തമിഴ് തെലുഗു ചിത്രങ്ങളിലും സജീവമായിരുന്നു. മഹാരാഷ്ട്രയിൽ നിന്നുള്ള ഇൻവെസ്റ്റ്മെൻ്റ് ബാങ്കറായ ഷിരിഷ് ഗോഡ്ബോളുമായുള്ള വിവാഹത്തിന് ശേഷം സിനിമയിൽ നിന്ന് വിട്ടുനിന്ന നടി, 2004 ലെ ബ്ലോക്ക്ബസ്റ്റർ തമിഴ് ചിത്രമായ ‘എം’ എന്ന ചിത്രത്തിലൂടെ തിരിച്ചുവരവ് നടത്തി. മലയാളത്തിൽ മോഹൻലാലിനോടൊപ്പം നീരാളി എന്ന ചിത്രത്തിലാണ് ഏറ്റവും അവസാനമായി അഭിനയിച്ചത്. മുംബൈയിലായിരുന്നു നീരാളിയുടെ ചിത്രീകരണം.
പൊതുപരിപാടികളിൽ വളരെ വിരളമായാണ് നദിയ പങ്കെടുത്തിട്ടുള്ളത്. ഏറ്റവും ഒടുവിൽ നവി മുംബൈയിൽ വേൾഡ് മലയാളി കൗൺസിൽ സംഘടിപ്പിച്ച സലാം മുംബൈ എന്ന മെഗാ ഷോയിലാണ് നദിയ സാന്നിധ്യമറിയിച്ചത്.
മുളുണ്ട് കേരള സമാജത്തിന്റ 64-മത് വാർഷിക പരിപാടിയിൽ നദിയ മൊയ്ദു വിശിഷ്ടാതിഥിയായി പങ്കെടുക്കും.
കാളിദാസ് നാട്യമന്ദിറിൽ മുംബൈ നോർത്ത് ഈസ്റ്റ് എം. പി. സഞ്ജയ് ദിന പാട്ടിൽ ആഘോഷപരിപാടികളുടെ ഉത്ഘാടനം നിർവ്വഹിക്കും.
ഉദ്ഘാടനതിന് ശേഷം വൈകുന്നേരം 6 മണി മുതൽ 6.30 വരെ നടക്കുന്ന സാംസ്കാരിക സമ്മേളനത്തിൽ സമാജം പ്രസിഡന്റ് കലാശ്രീ സി. കെ. കെ. പൊതുവാൾ അധ്യക്ഷത വഹിക്കും.മുംബൈയിലെ സാമൂഹ്യ സാംസ്കാരിക രംഗത്തെ പ്രമുഖർ പങ്കെടുക്കും.
തുടർന്ന് സമാജത്തിന്റെ ജീവകാരുണ്യ പ്രവർത്തനങ്ങൾക്കും പുതിയ കമ്മ്യൂണിറ്റി ഹാളിന്റെ നിർമ്മാണത്തിനും വേണ്ടിയുള്ള ധനശേഖരാണർത്ഥം നടത്തുന്ന മെഗാ പ്രോഗ്രാമിൽ പ്രശസ്ത ഗായകനും, വയലിനിസ്റ്റുമായ വിവേകാനന്ദനും സംഘവും അവതരിപ്പിക്കുന്ന ഗാനമേളയും സിനിമാതാരവും നർത്തകിയും അവതാരികയുമായ പാരിസ് ലക്ഷ്മിയും ടീമും അവതരിപ്പിക്കുന്ന വിവിധതരം നൃത്തങ്ങളും റെജി രാമപുരവും സംഘവും അവതരിപ്പിക്കുന്ന ഹാസ്യവിരുന്നും അരങ്ങേറും.
- ഓൾ ഇന്ത്യ മലയാളി അസോസിയേഷൻ (എയ്മ) മഹാരാഷ്ട്ര സംസ്ഥാന യൂണിറ്റ് വനിതാ ദിനം ആഘോഷിച്ചു.
- കലാരംഗത്ത് തരംഗമായി ‘ഗംഗാ തരംഗം’: നാസിക് നായർ സേവാ സമാജത്തിന്റെ വനിതാദിനാഘോഷം ശ്രദ്ധേയമായി (Watch Video)
- പാട്ടും പദവും പകർന്നാടി സഹൃദയ സന്ധ്യ; കല്യാൺ സാംസ്കാരിക വേദിയുടെ രണ്ടാം വാർഷികം
- മുംബൈ ശ്രീനാരായണ ഗുരു കോളേജിന് സ്വയംഭരണ പദവി ലഭിച്ചു
- നാസിക്കിൽ ആദ്യമായി മെഗാ തിരുവാതിര; ആതിരോത്സവം മാർച്ച് 14 ന്
