മലയാള ഭാഷാ പ്രചാരണ സംഘം ഒക്ടോബർ 12 മെമ്പർഷിപ്പ് ദിനമായി ആചരിക്കുന്നു. മുംബൈയിലും പ്രാന്തപ്രദേശങ്ങളിലുമുള്ള 10 മേഖലകളിലും അന്നേ ദിവസം മെമ്പർഷിപ്പ് വിതരണം നടക്കും.
ഒക്ടോബർ 12 ന് രാവിലെ മുതൽ വിവിധ സ്ക്വാഡുകൾ ഗൃഹസന്ദർശനം നടത്തി 18 വയസ്സിന് മുകളിലുള്ള മലയാളികളെ സംഘടനയിൽ അംഗങ്ങളാക്കും.
പ്രവാസ ജീവിതത്തിലെ നെട്ടോട്ടത്തിനിടയിലും മാതൃഭാഷയെയും സംസ്കാരത്തെയും കാത്തു സൂക്ഷിക്കുന്നതിനുള്ള ശ്രമത്തിൽ എല്ലാവരുടെയും സഹകരണം പ്രതീക്ഷിക്കുന്നുവെന്നും എല്ലാ ഭാഷാ സ്നേഹികളും ഒക്ടോബർ 12 ലെ മെമ്പർഷിപ്പ് പ്രവർത്തനത്തിൽ പങ്കെടുക്കണമെന്നും സംഘാടകർ അറിയിച്ചു.
