മലയാള ഭാഷാ പ്രചാരണ സംഘം പതിനാലാം മലയാളോത്സവത്തിന്റെ ഭാഗമായി ഫെബ്രുവരി ഒന്നാം തിയ്യതി രാവിലെ 9 മണി മുതൽ ചെമ്പൂർ ആദർശ് വിദ്യാലയത്തിൽ വച്ച് മലയാള ലഘു നാടക മത്സരം സംഘടിപ്പിക്കുന്നു. മത്സരത്തിന്‍റെ വിശദ വിവരങ്ങളും നിബന്ധനകളും.
- മേഖല തലത്തില്‍ നാടക മത്സരം ഉണ്ടായിരിക്കുന്നതല്ല. നാടക മത്സരത്തിനായി ഓണ്‍ലൈന്‍ രജിസ്റ്റര്‍ ചെയ്യുന്നവര്‍ക്ക് കേന്ദ്രതല നാടകോത്സവത്തില്‍ നേരിട്ട് പ്രവേശനം ലഭിക്കും.
- മലയാള ഭാഷാ പ്രചാരണത്തിനും ശാസ്ത്രപുരോഗതിക്കും പുരോഗമനാ ശയങ്ങള്‍ക്കും വിഘാതമല്ലാത്ത ഇതിവൃത്തമായിരിക്കണം നാടകത്തിലുള്ളത്.
- നാടകത്തിന്റെ അവതരണ സമയം (ഒരു നാടകത്തിന്റെ ദൈര്‍ഘ്യം) 30 മിനിറ്റില്‍ കൂടാന്‍ പാടില്ല, കുറയാവുന്നതാണ്. അവതരണ സമയം 30 മിനിറ്റില്‍ കൂടുകയാണെങ്കില്‍ നാടകം തുടരാന്‍ അനുവദിക്കുമെങ്കിലും മൈനസ് മാര്‍ക്ക് (5 മാര്‍ക്ക്) വിധിനിര്‍ണയത്തില്‍ കണക്കാക്കുന്നതാണ്.
- ഓരോ നാടകത്തിന് മുമ്പായി രംഗസജ്ജീകരണത്തിനുവേണ്ടി 10 മിനുട്ട് അനുവദിക്കുന്നതാണ്.
- ഒരു നാടകത്തില്‍ 12 ല്‍ കൂടുതല്‍ അഭിനേതാക്കള്‍ പാടില്ല. ഒരു അഭിനേതാവ് ഒരു മേഖലയില്‍ നിന്നും, ഒരു നാടകത്തിലും മാത്രമേ മത്സരിക്കാന്‍ പാടുള്ളൂ.
- നാടകമത്സരം രണ്ട് ഗ്രൂപ്പുകളായിട്ടാണ് നടത്തുക, എ ഗ്രൂപ്പ് – 25 വയസ്സിന് താഴെയുള്ളവര്‍, ബി ഗ്രൂപ്പ് – 25 വയസ്സിന് മുകളിലുള്ളവര്‍.
2025 ആഗസ്റ്റ് 31 ന് പൂര്‍ത്തിയായ വയസ്സിന്റെ അടിസ്ഥാനത്തിലാണ് പ്രായപരിധി കണക്കാക്കുന്നത്. ഗ്രൂപ്പില്‍ ഏറ്റവും കൂടുതല്‍ പ്രായമുള്ള മത്സരാര്‍ത്ഥിയുടെ വയസ്സ് അനുസരിച്ചായിരിക്കും ഗ്രൂപ്പ് നിര്‍ണ്ണയിക്കുന്നത്. വയസ്സ് കുറഞ്ഞവര്‍ക്ക്, (പരമാവധി രണ്ടു പേര്‍ക്ക്) വയസ്സ് കൂടിയവരുടെ കൂട്ടത്തില്‍ പങ്കെടുക്കാവുന്നതാണ്.
- ആധുനിക സാങ്കേതികവിദ്യകള്‍, അത്യാവശ്യ രംഗങ്ങളില്‍ റെക്കോര്‍ഡ് ചെയ്ത സംഭാഷണ ശകലങ്ങള്‍, പശ്ചാത്തല സംഗീതം എന്നിവ അനുവദനീയമാണ്. കറുത്ത ബാക്ക്‌ഡ്രോപ്പ് വേദിയില്‍ ഉണ്ടായിരിക്കും.
- വേദിയില്‍ സംഘാടകര്‍ നിശ്ചയിച്ചിട്ടുള്ള ശബ്ദവും വെളിച്ചവും മാത്രമേ ലഭിക്കുകയുള്ളൂ. വേദിയിലുള്ള സംവിധാനങ്ങളില്‍നിന്ന് കൂടുതലായി എന്തെങ്കിലും ആവശ്യമുണ്ടെങ്കില്‍ ആ സാമഗ്രികള്‍ മത്സരാര്‍ത്ഥികള്‍തന്നെ സംഘടിപ്പി ക്കേണ്ടതാണ്. ഇതിനായി ക്രമ നമ്പര്‍ 3 ല്‍ പറഞ്ഞതില്‍ നിന്നും കൂടുതല്‍ സമയം അനുവദിക്കുന്നതല്ല.
- വിധികര്‍ത്താക്കളുടെ തീരുമാനം അനിഷേധ്യവും അന്തിമവുമാണ്.
- നാടകോത്സവം 2026 ഫെബ്രുവരി 1 ന് നടത്താനാണ് തീരുമാനിച്ചിട്ടുള്ളത്.
- നാടകോത്സവത്തില്‍ വിജയികളാകുന്നവരെ പതിനാലാം മലയാളോത്സവം സമാപന സമ്മേളനത്തില്‍ വച്ച് സമ്മാനങ്ങള്‍ നല്‍കി ആദരിക്കും.
- നാടകോത്സവത്തില്‍ മത്സരിക്കുന്നതിനുള്ള രജിസ്ട്രേഷന്‍ 2026 ജനുവരി 20 ന് മുമ്പായി https://forms.gle/FbKuRyDJW5n8KhqC6 എന്ന ലിങ്കില്‍ നടത്തേണ്ടതാണ്. നാടക മത്സരത്തിനുള്ള പ്രവേശന ഫീസ് 200 രൂപ മത്സരദിനത്തില്‍ അടക്കേണ്ടതാണ്.
കൂടുതൽ വിവരങ്ങൾക്ക് 9969278684
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളുമായി | AMCHI MUMBAI | EVERY SATURDAY 4.30 P.M. | KAIRALI NEWS
