രാജ്യത്തിന്റെ വിവിധ ഭാഗങ്ങളിൽ നിന്നുള്ള ആയിരക്കണക്കിന് കലാകാരന്മാരെ ഒരേ വേദിയിൽ അണിനിരത്തുന്ന ഗുംഗ്രൂ സീസൺ 6-ന് ഭക്തിയുടെയും പ്രതീക്ഷയുടെയും നിറവിൽ തുടക്കം. മുംബൈയിലെ സിദ്ധിവിനായക് ക്ഷേത്രത്തിൽ ലോഗോ പ്രകാശനത്തോടെ ആരംഭിച്ച ഈ സാംസ്കാരിക യാത്ര, ഇന്ത്യയുടെ വൈവിധ്യവും കലാപാരമ്പര്യവും ആഘോഷിക്കുന്ന വൻ നൃത്തോത്സവമായി മാറുകയാണ്.
രാജ്യത്തിന്റെ വിവിധ ഭാഗങ്ങളിൽ നിന്നായി 120 സംഘങ്ങളിലായി 1600-ലധികം കലാകാരന്മാരാണ് ഇത്തവണ ഗുംഗ്രൂവിന്റെ ഭാഗമാകുന്നത്. തലമുറകളെയും പ്രദേശങ്ങളെയും ബന്ധിപ്പിക്കുന്ന കലാവേദിയായി ഗുംഗ്രൂ ഇതിനോടകം ശ്രദ്ധ നേടിയിട്ടുണ്ട്.
നൃത്തത്തിലൂടെ ഇന്ത്യയുടെ വൈവിധ്യവും സാംസ്കാരിക പൈതൃകവും ഒരേ വേദിയിൽ അവതരിപ്പിക്കുകയാണ് ഗുംഗ്രൂവിന്റെ ലക്ഷ്യമെന്ന് സിന്ധു നായർ പറയുന്നു.
For more photos of the event, click here>>>>>>>>>
ഭരതനാട്യം, കഥക്, മോഹിനിയാട്ടം, ഒഡീസി, കുച്ചിപ്പുടി തുടങ്ങിയ ശാസ്ത്രീയ നൃത്തരൂപങ്ങൾ മുതൽ വിവിധ സംസ്ഥാനങ്ങളുടെ നാടോടി നൃത്തങ്ങൾ വരെയും, ആധുനിക വെസ്റ്റേൺ, കണ്ടംപററി അവതരണങ്ങൾ വരെയും ഉൾക്കൊള്ളുന്ന വൈവിധ്യമാർന്ന പരിപാടികളാണ് ഇത്തവണ ഒരുക്കിയിരുന്നത്.
ഓരോ അവതരണത്തിലും മാസങ്ങളുടെ പരിശീലനവും കലാകാരന്മാരുടെ അർപ്പണബോധവും പ്രകടമായിരുന്നു . പാരമ്പര്യത്തിന്റെ സൗന്ദര്യവും നവീനതയുടെ ചൈതന്യവും സമന്വയിപ്പിക്കുന്ന അവതരണങ്ങളാണ് വേദിയിലെത്തിയത്
നൃത്തത്തെ വെറും കലാരൂപമെന്നതിലുപരി സംസ്കാരങ്ങളെ ബന്ധിപ്പിക്കുന്ന ഭാഷയായാണ് ഗുംഗ്രൂ കാണുന്നത്. അതുകൊണ്ടുതന്നെ രാജ്യത്തിന്റെ വിവിധ ഭാഗങ്ങളിൽ നിന്നുള്ള കലാകാരന്മാർക്ക് ഒരുമിച്ച് വേദി പങ്കിടാനുള്ള അപൂർവ അവസരമായും ഈ സാംസ്കാരിക പരിപാടി മാറുകയാണ്
ഓരോ ചുവടും ഒരു കഥ പറയുകയും ഓരോ താളവും ഒരു സംസ്കാരത്തെ പ്രതിനിധീകരിക്കുകയും ചെയ്യുന്ന ഗുംഗ്രൂ സീസൺ 6, ഇന്ത്യൻ നൃത്തപാരമ്പര്യത്തിന്റെ മഹത്വം ലോകത്തിന് മുന്നിൽ വീണ്ടും അവതരിപ്പിക്കാനുള്ള വലിയ വേദിയായി മാറുകയാണ്.
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളുമായി | AMCHI MUMBAI | JUNE 20 2026 SATURDAY 4.30 P.M. | KAIRALI NEWS
