മുംബൈ: ഓണാഘോഷങ്ങളുടെ ഭാഗമായി അന്ധേരി മലയാളി സമാജം സെപ്റ്റംബർ 26ന് പൂക്കള മത്സരം സംഘടിപ്പിക്കുന്നു. മഹാകാളി കേവ്സ് റോഡിലെ കനോസ കോൺവെന്റ് ഹൈസ്കൂൾ ഓഡിറ്റോറിയത്തിലാണ് മത്സരം നടക്കുക. വിവിധ ടീമുകൾക്ക് മത്സരത്തിൽ പങ്കെടുക്കാം.
മത്സരത്തിലെ വിജയികൾക്ക് ക്യാഷ് പ്രൈസുകളും പങ്കെടുക്കുന്ന മറ്റു ടീമുകൾക്ക് പ്രോത്സാഹന സമ്മാനങ്ങളും നൽകും. സെപ്റ്റംബർ 27ന് നടക്കുന്ന സമാജത്തിന്റെ ഓണാഘോഷ വേദിയിൽ വിജയികൾക്കുള്ള സമ്മാനവിതരണം നടക്കും.
കേരളത്തിന്റെ പാരമ്പര്യവും പൂക്കളത്തിന്റെ കലാസൗന്ദര്യവും സർഗാത്മകതയും പൊതുസമൂഹത്തിലേക്ക് എത്തിക്കുന്നതിനൊപ്പം യുവജനങ്ങളുടെയും വിവിധ സമൂഹങ്ങളുടെയും പങ്കാളിത്തം ഉറപ്പാക്കുകയെന്ന ലക്ഷ്യത്തോടെയാണ് മത്സരം സംഘടിപ്പിക്കുന്നതെന്ന് സമാജം ഭാരവാഹികൾ അറിയിച്ചു.
ഓണാഘോഷങ്ങളുടെ ഭാഗമായി ആഗസ്റ്റ് 25 മുതൽ 27 വരെ അന്ധേരി മെട്രോ സ്റ്റേഷനിൽ സമാജം ഒരുക്കിയ ഭീമൻ പൂക്കളം യാത്രക്കാരുടെയും പൊതുജനങ്ങളുടെയും ശ്രദ്ധ നേടിയിരുന്നു. ഏകദേശം മൂന്ന് ലക്ഷം പേർ ഭീമൻ പൂക്കളം കണ്ടതായി സംഘാടകർ അറിയിച്ചു.
2000-ത്തിന്റെ തുടക്കത്തിൽ രൂപംകൊണ്ട അന്ധേരി മലയാളി സമാജം അന്ധേരി ഈസ്റ്റ്, മഹാകാളി കേവ്സ് മേഖലകളിലെ മലയാളികളുടെ സാമൂഹിക, സാംസ്കാരിക, വിദ്യാഭ്യാസ, ക്ഷേമ പ്രവർത്തനങ്ങളിൽ സജീവമായി ഇടപെടുന്ന സംഘടനയാണ്. ജീവകാരുണ്യ പ്രവർത്തനങ്ങൾ, വിദ്യാർത്ഥികൾക്കുള്ള സഹായം, രോഗികൾക്ക് ചികിത്സാ സഹായം, വൃദ്ധസദനങ്ങൾക്കും അനാഥാലയങ്ങൾക്കും പിന്തുണ തുടങ്ങിയ പ്രവർത്തനങ്ങളും സമാജം നടത്തിവരുന്നു.
മത്സരത്തിന്റെ വിശദാംശങ്ങൾ
വേദി: കനോസ കോൺവെന്റ് ഹൈസ്കൂൾ ഓഡിറ്റോറിയം, മഹാകാളി കേവ്സ് റോഡ്, അന്ധേരി ഈസ്റ്റ്, മുംബൈ
തീയതി: 2026 സെപ്റ്റംബർ 26, ശനിയാഴ്ച
സമയം: വൈകിട്ട് 6.00 മണി
സമ്മാനവിതരണം: 2026 സെപ്റ്റംബർ 27, ഞായറാഴ്ച നടക്കുന്ന ഓണാഘോഷ പരിപാടിയിൽ
രജിസ്ട്രേഷനും വിവരങ്ങൾക്കും
കമല ടീച്ചർ: 9819412370
ശ്രീജു മേനോൻ: 9892362241
സുരേന്ദ്ര ബാബു: 9820063617
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളും
AMCHI MUMBAI | Every Saturday | 4:30 PM | Kairali News
