മീരാ റോഡ്: മീരാ റോഡ് മലയാളി സമാജത്തിന്റെ ആഭിമുഖ്യത്തിൽ ഓണാഘോഷം സംഘടിപ്പിക്കുന്നു. സെപ്റ്റംബർ 13 ഞായറാഴ്ച മീരാ റോഡിലെ ഷെഹ്നായി എ.സി. ബാങ്ക്വറ്റ് ഹാൾ, ജംഗിഡ് ആർക്കേഡിയയിലാണ് ആഘോഷ പരിപാടികൾ നടക്കുന്നത്.
രാവിലെ 9.30ന് ദീപപ്രജ്വലനത്തോടെ ചടങ്ങുകൾക്ക് തുടക്കമാകും. തുടർന്ന് മഹാബലിയുടെ രാജകീയ വരവേൽപ്പ്, വിവിധ കലാ-വിനോദ പരിപാടികൾ എന്നിവ അരങ്ങേറും. കേരളത്തിന്റെ തനത് പാരമ്പര്യവും ഓണത്തിന്റെ ആഘോഷചൈതന്യവും ഒത്തുചേർന്ന പരിപാടികൾക്കാണ് സംഘാടകർ ഒരുക്കം നടത്തുന്നത്.
ആഘോഷങ്ങളുടെ ഭാഗമായി പരമ്പരാഗത ഓണസദ്യയും ഒരുക്കിയിട്ടുണ്ട്. കുടുംബാംഗങ്ങളും സുഹൃത്തുക്കളും ഒരുമിച്ചുകൂടി ഓണത്തിന്റെ സന്തോഷം പങ്കിടുന്നതിനുള്ള വേദിയായിരിക്കും ഓണാഘോഷമെന്ന് സംഘാടകർ അറിയിച്ചു.
മലയാളികളുടെ പാരമ്പര്യവും സംസ്കാരവും കാത്തുസൂക്ഷിക്കുന്നതിനൊപ്പം കൂട്ടായ്മയുടെ സൗഹൃദവും ഊട്ടിയുറപ്പിക്കുന്ന അവസരമായാണ് മീരാ റോഡ് മലയാളി സമാജം ഓണാഘോഷത്തെ അവതരിപ്പിക്കുന്നത്.
വേദി: Shehnai AC Banquet Hall, 1st & 2nd Floor, Jangid Arcadia, Opp. Laxmi Park, Kanakia Road, Mira Road (East)
തീയതി: സെപ്റ്റംബർ 13, 2026
സമയം: രാവിലെ 9.30 മുതൽ
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളും
AMCHI MUMBAI | Every Saturday | 4:30 PM | Kairali News
