വസായ്: വസായ് സനാതന ധർമ്മ സഭയുടെ ആഭിമുഖ്യത്തിൽ വർഷംതോറും സംഘടിപ്പിച്ചുവരുന്ന മുത്തപ്പൻ വെള്ളാട്ട മഹോത്സവം ഈ വർഷവും വിപുലമായ പരിപാടികളോടെ ഒക്ടോബർ 17ന് വസായിയിൽ നടക്കും. മഹോത്സവത്തിന്റെ പോസ്റ്റർ ലക്ഷ്മി ധാം ഗോശാല ആശ്രമം മഠാധിപതി മഹന്ത് സദാനന്ദ ബെൻ മഹാരാജ് പ്രകാശനം ചെയ്തു.
വസായ് ശബരിഗിരി അയ്യപ്പ ക്ഷേത്രം മുൻ മേൽശാന്തി നാരായണൻ നമ്പൂതിരി, വേണു ജി. പിള്ള, ശ്രീശങ്കർ, ഹരി എസ്. നായർ തുടങ്ങിയവർ ചടങ്ങിൽ പങ്കെടുത്തു.
വസായ് വെസ്റ്റിലെ വിശ്വകർമ്മ ഹാളിൽ ഒക്ടോബർ 17 ശനിയാഴ്ച രാവിലെ ആറിന് ബ്രഹ്മശ്രീ നാരായണൻ നമ്പൂതിരിയുടെ നേതൃത്വത്തിലുള്ള ഗണപതി ഹോമത്തോടെയാണ് ചടങ്ങുകൾക്ക് തുടക്കമാകുന്നത്. തുടർന്ന് രാവിലെ 10.30ന് മലയിറക്കൽ കർമ്മവും തായമ്പകയും നടക്കും.
ഉച്ചയ്ക്ക് ഒന്നിന് പ്രസാദ ഊട്ടിന് ശേഷം മുത്തപ്പൻ വെള്ളാട്ടവും ദർശനവും ഉണ്ടായിരിക്കുമെന്ന് സനാതന ധർമ്മ സഭ അധ്യക്ഷൻ ഉത്തം കുമാർ അറിയിച്ചു. ബന്ധപ്പെടാൻ: 9323528197
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളും
AMCHI MUMBAI – Every Saturday | 4:30 PM | Kairali News
