നവി മുംബൈ: ന്യൂ ബോംബെ കേരളീയ സമാജം മലയാളം ക്ലാസിന്റെ ആഭിമുഖ്യത്തിൽ സംഘടിപ്പിക്കുന്ന കേരളപ്പിറവി ആഘോഷം നവംബർ ഒന്നിന് വൈകുന്നേരം സമാജം ഓഡിറ്റോറിയത്തിൽ വിപുലമായ പരിപാടികളോടെ നടക്കും.
വൈകുന്നേരം നാലിന് സമാജം അംഗങ്ങളെയും സമാജത്തിന്റെ വിവിധ ക്ലാസുകളിലെ കുട്ടികളെയും ഉൾപ്പെടുത്തി മൂന്ന് വിഭാഗങ്ങളിലായി കേരളത്തെ ആസ്പദമാക്കി ചിത്രരചനാ മത്സരം സംഘടിപ്പിക്കും.
വൈകുന്നേരം ആറിന് ആരംഭിക്കുന്ന കേരളപ്പിറവി ദിനാഘോഷം പ്രശസ്ത ഗാനരചയിതാവ് ശ്രീ. സജീവൻ ഉദ്ഘാടനം ചെയ്യും.
കേരളത്തിന്റെ സംസ്കാരവും പൈതൃകവും പുതുതലമുറയ്ക്ക് പരിചയപ്പെടുത്തുന്നതിനും മലയാള ഭാഷയോടും കേരളീയ സംസ്കാരത്തോടുമുള്ള ആഭിമുഖ്യം വളർത്തുന്നതിനും ലക്ഷ്യമിട്ടുള്ള ആഘോഷത്തിൽ പങ്കെടുക്കാൻ എല്ലാവരെയും സമാജം സാദരം ക്ഷണിച്ചു.
കൂടുതൽ വിവരങ്ങൾക്ക് സമാജം സെക്രട്ടറി പ്രകാശ് കാട്ടാക്കട, കൺവീനർ അനിൽ പരുമല എന്നിവരുമായി ബന്ധപ്പെടുക.
ഫോൺ: 9702433394, 7021036454
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളും
AMCHI MUMBAI – Every Saturday | 4:30 PM | Kairali News
