കേരളത്തിൽ വയനാട്ടിലുണ്ടായ ഉരുൾപൊട്ടലിൽ ദുരിതമനുഭവിക്കുന്ന കിടപ്പാടം നഷ്ടപ്പെട്ടവരെ പുനരധിവസിപ്പിക്കാനുള്ള പ്രാരംഭ നടപടിയായി അഞ്ചു വീടുകൾ നിർമ്മിച്ച് നൽകാൻ കെയർ ഫോർ മുംബൈ മുന്നോട്ട് വന്നതിന് പുറകെ പദ്ധതിക്ക് പിന്തുണയുമായി മഹാരാഷ്ട്രയിലെ നിരവധി സംഘടനകളും സാമൂഹിക പ്രവർത്തകരും വ്യവസായ സമൂഹവും മുന്നോട്ട് വന്നിരിക്കയാണ്.
ന്യൂ ബോംബെ കൾച്ചറൽ സെന്റർ കെയർ ഫോർ മുംബൈയുടെ ദുരിതാശ്വാസ പ്രവർത്തനങ്ങളുമായി സഹകരിച്ച് വയനാടിന് കൈത്താങ്ങാകുമെന്ന് ഖോപ്പർകർണ ആസ്ഥാനമായ സംഘടനയുടെ ഭാരവാഹികളായ മനോജ് മാളവിക, ബാബുരാജ് എന്നിവർ അറിയിച്ചു. ഇതിനായി അംഗങ്ങളിൽ നിന്നും സുമനസുകളിൽ നിന്നും പണം സമാഹരിക്കാനാണ് എൻബിസിസി തീരുമാനം.
.
വയനാടിനെ വീണ്ടെടുക്കാൻ കേരള സർക്കാരുമായി കൈകോർക്കുമെന്ന കെയർ ഫോർ മുംബൈയുടെ തീരുമാനത്തെ സീഷോർ മേധാവി മുഹമ്മദ് അലി പ്രകീർത്തിച്ചു. കഴിഞ്ഞ ദിവസം മുംബൈയിലെത്തിയ പ്രവാസി വ്യവസായി സന്നദ്ധ സംഘടനയുടെ പ്രതിനിധികളുമായി നടത്തിയ കൂടിക്കാഴ്ചയിലാണ് പിന്തുണ പങ്ക് വച്ചത്.
പ്രളയകാലത്തും മഹാമാരി കാലത്തും അശരണർക്ക് താങ്ങായി ജീവകാരുണ്യ പ്രവർത്തനങ്ങളിൽ മുൻപന്തിയിൽ നിന്ന സംഘടനയാണ് കെയർ ഫോർ മുംബൈ
- സുഗതാഞ്ജലി ആഗോള കാവ്യാലാപന മത്സരം: മുംബൈ ചാപ്റ്റർ ഫലപ്രഖ്യാപനം
- അന്ധേരി മലയാളി സമാജത്തിന്റെ ഓണാഘോഷം സെപ്റ്റംബർ 27ന്; പ്രൊഫ. വി. മധുസൂദനൻ നായർ മുഖ്യാതിഥി
- മുളുണ്ട് കേരള സമാജം ഓണാഘോഷം മുളുണ്ട് എം . എൽ . എ ശ്രീ.മിഹിർ കൊട്ടെച്ച മുഖ്യാതിഥി .
- കുവൈറ്റ് ദുരന്തം: മുംബൈയിൽ സംസ്കരിച്ചതിന്റെ പേരിൽ മലയാളി കുടുംബത്തിന് ധനസഹായം നിഷേധിച്ചതായി പരാതി; ഇടപെട്ട് ജോജോ തോമസ്
- മുംബൈയിൽ കാണാതായ യുവാവിന് ഏഴ് വർഷത്തിന് ശേഷം കുടുംബത്തെ തിരികെ കണ്ടെത്തി.
