പ്രകൃതി ദുരന്തത്തിൽ തകർന്നടിഞ്ഞ വയനാടിനെ ചേർത്തു പിടിക്കാൻ മഹാരാഷ്ട്രാ മുഖ്യമന്ത്രി എക്നാഥ് ഷിൻഡെയും. മുഖ്യമന്ത്രിയുടെ ദുരിതാശ്വാസ നിധിയിലേക്ക് മഹാരാഷ്ട്രാ സർക്കാർ 10 കോടി രൂപ നൽകും. മഹാരാഷ്ട്രാ മുഖ്യമന്ത്രി എക്നാഥ് ഷിൻഡെയാണ് സഹായം പ്രഖ്യാപിച്ചത്. ഉപമുഖ്യമന്ത്രി മാരായ ദേവേന്ദ്ര ഫഡ്നാവിസ് , അജിത് പവാർ എന്നിവരുടെ സാന്നിധ്യത്തിലായിരുന്നു പ്രഖ്യാപനം.
ഇന്നലെ താനെ ഗഡ്കരി രംഗായത്തൻ ഹാളിൽ ഷിൻഡെയുടെ ജീവചരിത്രം പുസ്തകമാക്കി പ്രകാശനം ചെയ്ത ചടങ്ങിനിടെയാണ് ശിവസേനയുടെ മലയാളി നേതാക്കളായ ശ്രീകാന്ത് നായർ, ജയന്ത് നായർ എന്നിവരോട് ഇക്കാര്യം വെളിപ്പെടുത്തിയത്.
സംസ്ഥാന ഗവണ്മെന്റ് നൽകുന്ന പത്തു കോടി രൂപയ്ക്ക് പുറമെ ശിവസേന ഷിൻഡെ വിഭാഗത്തിന്റെ നേതൃത്വത്തിൽ ദുരിത ബാധിതർക്ക് ആവശ്യമായ ആവശ്യ വസ്തുക്കളും വീട്ടുസാധനങ്ങളും കൂടാതെ മെഡിക്കൽ ടീമും മരുന്നുകളുമടക്കം ശിവസേനയുടെ മലയാളി നേതാക്കളുടെ നേതൃത്വത്തിലുള്ള ടീമിനെ വയനാട്ടിലേക്കു അയക്കുമെന്നും ഷിൻഡെ വെളിപ്പെടുത്തി. കുട്ടനാട് പ്രളയമുണ്ടായപ്പോൾ പൊതുമരാമത്തു മന്ത്രിയായിരുന്ന എക്നാഥ് ഷിൻഡെയുടെ നേതൃത്വത്തിൽ വലിയൊരു സംഘം ഡോക്ടർമാരെ മെഡിസിൻ അടക്കം ആലപ്പുഴയിലെത്തി ദുരിതാശ്വാസ പ്രവർത്തനങ്ങളിൽ പങ്കാളികൾ ആയിരുന്നു.
ആഗസ്റ്റ് 15ന് ശേഷം സംഘം വായനാടിലേക്കു തിരിക്കുമെന്ന് ശ്രീകാന്ത് നായർ, ജയന്ത് നായർ എന്നിവർ അറിയിച്ചു.
- സുഗതാഞ്ജലി ആഗോള കാവ്യാലാപന മത്സരം: മുംബൈ ചാപ്റ്റർ ഫലപ്രഖ്യാപനം
- അന്ധേരി മലയാളി സമാജത്തിന്റെ ഓണാഘോഷം സെപ്റ്റംബർ 27ന്; പ്രൊഫ. വി. മധുസൂദനൻ നായർ മുഖ്യാതിഥി
- മുളുണ്ട് കേരള സമാജം ഓണാഘോഷം മുളുണ്ട് എം . എൽ . എ ശ്രീ.മിഹിർ കൊട്ടെച്ച മുഖ്യാതിഥി .
- കുവൈറ്റ് ദുരന്തം: മുംബൈയിൽ സംസ്കരിച്ചതിന്റെ പേരിൽ മലയാളി കുടുംബത്തിന് ധനസഹായം നിഷേധിച്ചതായി പരാതി; ഇടപെട്ട് ജോജോ തോമസ്
- മുംബൈയിൽ കാണാതായ യുവാവിന് ഏഴ് വർഷത്തിന് ശേഷം കുടുംബത്തെ തിരികെ കണ്ടെത്തി.
