മുംബൈയിൽ പന്ത്രണ്ടാം നിലയിലുള്ള വീടിന്റെ ജനാലയിൽ നിന്ന് അബദ്ധത്തിൽ വീണ് നാല് വയസ്സുകാരിക്ക് ദാരുണാന്ത്യം. അൻവിക പ്രജാപതി എന്ന പെൺകുട്ടിയെ അമ്മയാണ് ഷൂ അലമാരയുടെ മുകളിൽ ഇരുത്തിയത്. ഇതിന് പിന്നാലെയാണ് സംഭവം. അവിടെ നിന്ന് കുട്ടി ജനൽപ്പടിയിൽ കയറി നിൽക്കാനുള്ള ശ്രമത്തിൽ ബാലൻസ് നഷ്ടപ്പെടുകയായിരുന്നു.
സിസിടിവി ദൃശ്യങ്ങളിൽ കാണുന്നത് പോലെ, ബുധനാഴ്ച വൈകുന്നേരം ഏകദേശം 8 മണിയോടെ, അമ്മയും മകളും പുറത്തിറങ്ങാൻ തയ്യാറെടുക്കുകയായിരുന്നു. അൻവിക വീട്ടിൽ നിന്ന് പുറത്തേക്ക് വരുന്നു, പിന്നാലെ അമ്മയും. അമ്മ വാതിൽ പൂട്ടുമ്പോൾ അൻവിക ഒരു മുതിർന്നയാളുടെ ഷൂസിലേക്ക് വഴുതി വീഴുന്നത് കാണാം. മകൾ ഫ്ലോറിൽ ഓടി നടക്കാൻ തുടങ്ങിയതോടെയാണ് പൊക്കിയെടുത്ത് ഷൂ അലമാരയുടെ മുകളിൽ ഇരുത്തിയത്. തുടർന്ന് അവർ സ്ലിപ്പറുകൾ ധരിച്ച് മകളുടെ ചെരുപ്പുകൾ എടുക്കുന്നു. അതേസമയം, അൻവിക അലമാരയിൽ കയറി നിൽക്കുന്നു, തുടർന്ന് ജനൽപ്പടിയിൽ ഇരിക്കാനുള്ള ശ്രമത്തിൽ സ്വയം ബാലൻസ് നഷ്ടപ്പെട്ടതിനെ തുടർന്നായിരുന്നു അന്ത്യം.
ഞെട്ടിപ്പോയ അൻവികയുടെ അമ്മ സഹായത്തിനായി നിലവിളിക്കുന്നു. അയൽക്കാർ വീടുകളിൽ നിന്ന് പുറത്തിറങ്ങി പെൺകുട്ടിയെ എടുക്കാൻ ഓടുന്നു. അൻവികയെ വസായ് വെസ്റ്റിലെ ആശുപത്രിയിലേക്ക് കൊണ്ടുപോയെങ്കിലും ജീവൻ രക്ഷിക്കാനായില്ല.
