കേരള ഫിലിം ക്രിട്ടിക്സ് അവാർഡുകൾ പ്രഖ്യാപിച്ചപ്പോൾ മികച്ച നടിയായി തിരഞ്ഞെടുത്തത് റിമ കല്ലിങ്കലിനെയാണ്. തിയേറ്റർ – എ മിത്ത് ഓഫ് റിയാലിറ്റി എന്ന ചിത്രത്തിലെ അഭിനയത്തിനായിരുന്നു അംഗീകാരം.
മറഞ്ഞുപോകുന്ന ആചാരങ്ങളും, വിശ്വാസവും, ഐതിഹ്യങ്ങളും, യാഥാർഥ്യവും തമ്മിലുള്ള അന്തരമാണ് ഈ ചിത്രത്തിലൂടെ അവതരിപ്പിക്കുന്നത്. ഇന്നത്തെ ലോകത്ത് മനുഷ്യർ അവരുടെ വ്യക്തിപരമായ വിശ്വാസങ്ങൾക്കും താൽപര്യങ്ങൾക്കുമനുസരിച്ച് ചുറ്റുമുള്ള യാഥാർത്ഥ്യങ്ങളെ സ്വയം വ്യാഖ്യാനിക്കുന്നതാണ് ചിത്രത്തിന്റെ പ്രമേയം. ഈ ചിത്രത്തിലെ അഭിനയത്തിനാണ് റിമ മികച്ച നടിക്കുള്ള പുരസ്കാരം സ്വന്തമാക്കിയത്.
പോയ വാരം വിതരണം ചെയ്ത 48-ാമത് കേരള ഫിലിം ക്രിട്ടിക്സ് അവാർഡ് കൊച്ചിയിൽ നടന്ന പ്രൗഢഗംഭീരമായ ചടങ്ങിൽ സഹകരണ വകുപ്പ് മന്ത്രി വി.എൻ. വാസവനിൽ നിന്നാണ് റിമ കല്ലിങ്കൽ ഏറ്റു വാങ്ങിയത്.
ഓണാഘോഷത്തെ കളറാക്കാൻ റിമ കല്ലിങ്കൽ ഡോംബിവ്ലിയിൽ
വേൾഡ് മലയാളി ഫെഡറേഷൻ മഹാരാഷ്ട്ര സ്റ്റേറ്റ് കൗൺസിൽ സംഘടിപ്പിക്കുന്ന ഓണാഘോഷ പരിപാടിയിൽ വിശിഷ്ടാതിഥിയായിരിക്കും റിമ കല്ലിങ്കൽ. മഹാരാഷ്ട്ര ഉപമുഖ്യമന്ത്രി ഏക്നാഥ് ഷിൻഡെ മുഖ്യാതിഥിയായ ചടങ്ങിൽ എം എൽ എ രാജേഷ് മോറെ, ചലച്ചിത്ര നടി വീണ നായർ എന്നിവരും വിശിഷ്ടാതിഥികളായി പങ്കെടുക്കുമെന്ന് സംസ്ഥാന പ്രസിഡന്റ് ഡോ.റോയ് ജോൺ മാത്യു പറഞ്ഞു. ഡോ. ഉമ്മൻ ഡേവിഡ് പേട്രണായ മഹാരാഷ്ട്ര കൗൺസിലിന്റെ ആദ്യ ഓണാഘോഷ പരിപാടിയാണ് സെപ്റ്റംബർ 14 ഞായറാഴ്ച രാവിലെ മുതൽ ഡോംബിവ്ലി ഹോളി ഏഞ്ചൽസ് സ്കൂൾ അങ്കണം വേദിയാകുക.
നൃത്തത്തെ പ്രണയിച്ച നടി
മലയാള സിനിമയിലെ ഐകോണിക് നായികമാരെ ആദരിച്ച് റിമയും സംഘവും അവതരിപ്പിച്ച നൃത്താവിഷ്കാരമാണ് നായിക.
മനോഹരമായ ചുവടുകളും ഹൃദയസ്പർശിയായ ഭാവങ്ങളുമായി മലയാള സിനിമയിലെ പ്രിയപ്പെട്ട നായികമാരെ പുനരാവിഷ്കരിക്കുകയായിരുന്നു ഇവരെല്ലാം.
നൃത്തവും സംഗീതവും നോസ്റ്റാൾജിയയും ഇഴ ചേർത്ത് റിമയും സംഘവും ഒരുക്കിയ “നായിക” മലയാള സിനിമാപ്രേമികൾക്ക് ഒരിക്കലും മാഞ്ഞുപോകാത്ത കലാനുഭവമായി
