മഹാരാഷ്ട്രയിലെ ഓരോ വോട്ടറും ഇപ്പോൾ ചോദിക്കേണ്ട ഏറ്റവും പ്രധാനപ്പെട്ട ചോദ്യമാണിതെന്ന് എം.പി.സി.സി. ജനറൽ സെക്രട്ടറി ജോജോ തോമസ്. രാജ്യതലത്തിൽ രാഹുൽ ഗാന്ധി ഉയർത്തിയ വോട്ടവകാശ സംരക്ഷണവുമായി ബന്ധപ്പെട്ട ചോദ്യം മഹാരാഷ്ട്രയിലെ എസ്.ഐ.ആർ. നടപടിയോടെ ഓരോ പൗരന്റെയും മുന്നിലെത്തിയിരിക്കുകയാണെന്നും അർഹനായ ഒരു വോട്ടറുടെയും പേര് അന്യായമായി നഷ്ടപ്പെടാൻ അനുവദിക്കില്ലെന്നും അദ്ദേഹം പറഞ്ഞു.
വോട്ടർപട്ടികയിൽ പേര് പരിശോധിക്കാൻ തിരഞ്ഞെടുപ്പ് കമ്മീഷന്റെ ഔദ്യോഗിക പോർട്ടൽ:
ആഗസ്റ്റ് 31ന് പ്രസിദ്ധീകരിച്ച മഹാരാഷ്ട്രയിലെ SIR കരട് വോട്ടർപട്ടികയിൽ മുൻ പട്ടികയിൽ ഉണ്ടായിരുന്ന 2,06,88,487 പേരുടെ പേരുകൾ ഈ ഘട്ടത്തിൽ ഉൾപ്പെട്ടിട്ടില്ല. ഇത് ഇത്രയും പേരെയും അന്തിമമായി വോട്ടർപട്ടികയിൽ നിന്ന് നീക്കം ചെയ്തുവെന്നർഥമല്ല. Enumeration Form ലഭിക്കാത്തവർ, കണ്ടെത്താനാകാത്തവർ, താമസം മാറിയവർ, മരണപ്പെട്ടവർ, duplicate ആയി കണക്കാക്കിയവർ തുടങ്ങിയ വിവിധ വിഭാഗങ്ങളാണ് ഈ കണക്കിൽ ഉൾപ്പെടുന്നത്. അർഹരായ വോട്ടർമാർക്ക് claims and objections സമർപ്പിച്ച് പേര് ഉൾപ്പെടുത്താനുള്ള അവസരമുണ്ട്.
എന്നാൽ കണക്കിനേക്കാൾ പ്രധാനപ്പെട്ടത് അതിന്റെ പിന്നിൽ നിൽക്കുന്ന സാധാരണ മനുഷ്യരുടെ ആശങ്കകളാണെന്ന് ജോജോ തോമസ് ചൂണ്ടിക്കാട്ടി.
SIR കരട് പട്ടികയിൽ 2.06 കോടി പേരുടെ പേര് ഉൾപ്പെട്ടില്ലെന്ന് കണക്ക്.
വർഷങ്ങളായി വോട്ടർപട്ടികയിൽ പേരുള്ളവരും പാർലമെന്റ്, നിയമസഭ, തദ്ദേശ തിരഞ്ഞെടുപ്പുകളിൽ വോട്ട് ചെയ്തവരുമായ ചിലരുടെ പേരുകൾ ഇപ്പോഴത്തെ കരട് പട്ടികയിൽ കാണാത്തതായി പരാതികളുണ്ട്. 2002ലെ പട്ടികയിലെ പേരും ഇപ്പോഴത്തെ രേഖകളിലെ പേരും തമ്മിലുള്ള ചെറിയ spelling വ്യത്യാസം, പേരിന്റെ ക്രമത്തിലെ മാറ്റം, ഇനിഷ്യൽ-സർനെയിം വ്യത്യാസം, പിതാവിന്റെ പേരിലെ വ്യത്യാസം തുടങ്ങിയവ mapping പ്രശ്നങ്ങൾക്ക് കാരണമാകുന്നതായും ചൂണ്ടിക്കാണിക്കപ്പെടുന്നു.
കേരളം ഉൾപ്പെടെയുള്ള സംസ്ഥാനങ്ങളിൽ ഇനിഷ്യൽ ഉപയോഗിക്കുന്ന പതിവും മഹാരാഷ്ട്രയിൽ സർനെയിം ഉപയോഗിക്കുന്ന രീതിയും തമ്മിലുള്ള വ്യത്യാസം പോലും ചിലരുടെ രേഖകളിൽ mismatch സൃഷ്ടിക്കുന്നതായി പരാതിയുണ്ട്. വർഷങ്ങളായി വോട്ട് ചെയ്തിട്ടുള്ള ഒരാൾക്ക് തന്റെ പേരിന്റെ അക്ഷരവിന്യാസം തെളിയിക്കാൻ വീണ്ടും വീണ്ടും രേഖകൾ ഹാജരാക്കേണ്ടിവരുന്ന സാഹചര്യം സാധാരണ പൗരന് വലിയ ആശയക്കുഴപ്പമാണ് സൃഷ്ടിക്കുന്നത്.
വിവാഹശേഷം പേര് മാറിയ സ്ത്രീകളുടെ കാര്യത്തിൽ പ്രശ്നം കൂടുതൽ സങ്കീർണമാകുന്നു. പഴയ പേര് തെളിയിക്കുന്നതിനായി വിവാഹ സർട്ടിഫിക്കറ്റ് ഉൾപ്പെടെയുള്ള രേഖകൾ ആവശ്യമായി വരുന്നതും, പഴയതും പുതിയതുമായ രേഖകൾ തമ്മിൽ ബന്ധിപ്പിക്കാൻ വീണ്ടും പരിശോധന നേരിടേണ്ടിവരുന്നതും പല കുടുംബങ്ങൾക്കും പ്രായോഗിക ബുദ്ധിമുട്ടാണ്.
താമസം മാറിയവർക്കും സമാനമായ പ്രശ്നങ്ങളുണ്ട്. ഒരേ കുടുംബത്തിലെ അംഗങ്ങൾക്ക് പോലും വ്യത്യസ്ത ദിവസങ്ങളിലും സമയങ്ങളിലുമായി hearing ലഭിക്കുന്ന സാഹചര്യം ഉണ്ടാകുമ്പോൾ ഒരു കുടുംബത്തിന് തന്നെ പലതവണ ഓഫീസുകൾ കയറിയിറങ്ങേണ്ടിവരുന്നു.
ദിവസവേതന തൊഴിലാളിക്ക് ഒരു hearing ഒരു ദിവസത്തെ വരുമാനനഷ്ടമാണ്. വയോധികർക്കും ഭിന്നശേഷിക്കാർക്കും ദൂരെയുള്ള ഓഫീസുകളിലേക്ക് യാത്ര ചെയ്യുന്നത് ശാരീരിക പ്രയാസമാണ്. രേഖകളുടെ ഒറിജിനൽ കൈവശം വച്ച് യാത്ര ചെയ്യേണ്ടിവരുന്നതും സാധാരണക്കാർക്ക് ആശങ്കയുണ്ടാക്കുന്നു.
“വോട്ടർപട്ടിക ശുദ്ധീകരിക്കുന്നതിൽ ആർക്കും എതിർപ്പില്ല. മരണപ്പെട്ടവരെയും ഇരട്ടപ്പേരുകളെയും യഥാർത്ഥത്തിൽ താമസം മാറിയവരെയും ഒഴിവാക്കണം. എന്നാൽ ജീവിച്ചിരിക്കുന്ന, അർഹനായ ഒരു പൗരന്റെ പേര് സാങ്കേതിക പിശകിന്റെയോ ചെറിയ spelling വ്യത്യാസത്തിന്റെയോ പേരിൽ നഷ്ടപ്പെടരുത്. വോട്ടവകാശം സംരക്ഷിക്കപ്പെടുക തന്നെ വേണം,” ജോജോ തോമസ് പറഞ്ഞു.
BLO തലത്തിൽ തന്നെ പരിഹരിക്കാവുന്ന spelling, mapping, ചെറിയ രേഖാ വ്യത്യാസങ്ങൾ എന്നിവയ്ക്ക് പൗരന്മാരെ നേരിട്ട് hearing-ലേക്ക് അയയ്ക്കുന്നതിന് പകരം ലളിതമായ പരിഹാര സംവിധാനം വേണമെന്നും അദ്ദേഹം ചൂണ്ടിക്കാട്ടി. hearing ആവശ്യമായ കേസുകളിൽ എന്തുകൊണ്ടാണ് നോട്ടീസ് നൽകിയതെന്ന് വ്യക്തമായി അറിയിക്കുകയും ആവശ്യമായ രേഖകൾ ഏതൊക്കെയാണെന്ന് മുൻകൂട്ടി വ്യക്തമാക്കുകയും മതിയായ സമയം അനുവദിക്കുകയും വേണം.
ഇതിനിടെ, വോട്ടർപട്ടികയുമായി ബന്ധപ്പെട്ട നടപടികളിൽ തിരഞ്ഞെടുപ്പ് കമ്മീഷണർമാരായ സുഖ്ബീർ സിംഗ് സന്ധുവും വിവേക് ജോഷിയും രേഖാമൂലം എതിർപ്പുകൾ ഉന്നയിച്ചതായി പുറത്തുവന്ന റിപ്പോർട്ടുകളും കൂടുതൽ സുതാര്യതയുടെ ആവശ്യകത ഉയർത്തുന്നതായി അദ്ദേഹം പറഞ്ഞു. ഇത്തരത്തിലുള്ള റിപ്പോർട്ടുകളിലെ അവകാശവാദങ്ങൾ ബന്ധപ്പെട്ട രേഖകളുടെ അടിസ്ഥാനത്തിൽ പരിശോധിച്ച് വ്യക്തത വരുത്തേണ്ടതുണ്ടെന്നും അദ്ദേഹം സൂചിപ്പിച്ചു.
ജനങ്ങൾ ഇപ്പോൾ ചെയ്യേണ്ടത്
ആദ്യം സ്വന്തം പേര് വോട്ടർപട്ടികയിൽ ഉണ്ടോ എന്ന് പരിശോധിക്കുക. കുടുംബത്തിലെ മുതിർന്നവരുടെയും മറ്റ് അംഗങ്ങളുടെയും പേരുകളും പരിശോധിക്കുക. പേര് കാണാനില്ലെങ്കിൽ അതിന്റെ കാരണം കണ്ടെത്തുക. അർഹരായ വ്യക്തിയാണെങ്കിൽ നിശ്ചിത നടപടിക്രമം പാലിച്ച് claims സമർപ്പിക്കുക. ആവശ്യമായ സാഹചര്യത്തിൽ Form 6 വഴി പേര് ഉൾപ്പെടുത്തുന്നതിനുള്ള അപേക്ഷ നൽകാം. SIR സംബന്ധിച്ച പേര് പരിശോധന, draft roll, ASDD പട്ടിക, claims and objections തുടങ്ങിയ സൗകര്യങ്ങൾ മഹാരാഷ്ട്ര Chief Electoral Officer-ന്റെ ഔദ്യോഗിക സൈറ്റിലും ലഭ്യമാണ്.
തിരഞ്ഞെടുപ്പ് കമ്മീഷന്റെ ഔദ്യോഗിക Voters’ Services Portal:
ഒരു പേര് നഷ്ടപ്പെടുന്നത് ഒരു കുടുംബത്തിന് ഒരു ചെറിയ ഭരണപരമായ പ്രശ്നം മാത്രമല്ല. ഒരു പൗരന് തന്റെ ജനാധിപത്യ അവകാശം പ്രയോഗിക്കാനുള്ള അവസരവുമായി ബന്ധപ്പെട്ട കാര്യമാണ്.
അതുകൊണ്ട് വോട്ടർപട്ടിക ശുദ്ധീകരിക്കണം; അതോടൊപ്പം അർഹനായ ഓരോ വോട്ടറെയും സംരക്ഷിക്കുകയും വേണം. സംശയമുള്ള ഓരോ കേസും പരിശോധിക്കണം, പിശകുകൾ തിരുത്തണം, ആവശ്യമായിടത്ത് സുതാര്യമായ മറുപടി നൽകണം.
“വോട്ട് ഒരു അക്കമല്ല; ഓരോ പൗരന്റെയും അവകാശമാണ്. ഒരു വോട്ടും നഷ്ടപ്പെടരുത്, ഒരു വോട്ടറും അപ്രധാനനല്ല. ജനങ്ങളുടെ വോട്ടവകാശം സംരക്ഷിക്കുന്നതിനുള്ള പോരാട്ടം തുടരും,” ജോജോ തോമസ് വ്യക്തമാക്കി.
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളും
AMCHI MUMBAI
Every Saturday | 4:30 PM | Kairali News
