മുംബൈ: BSNL ജീവനക്കാരുടെ മൂന്നാം ശമ്പള പരിഷ്കരണം ഉടൻ നടപ്പാക്കണമെന്നും BSNL മേഖലയിൽ രണ്ടാം VRS (Voluntary Retirement Scheme) നടപ്പാക്കരുതെന്നും ആവശ്യപ്പെട്ട് BSNL Employees Union (BSNLEU) മുംബൈ ജില്ലാ സമ്മേളനം പ്രമേയം പാസാക്കി.

മഹാരാഷ്ട്ര BSNL സംസ്ഥാന മേധാവിയുടെ സാന്താക്രൂസ് ഓഫീസിലെ കോൺഫറൻസ് ഹാളിൽ നടന്ന BSNLEU മുംബൈ പത്താം ജില്ലാ സമ്മേളനത്തിലാണ് ആവശ്യങ്ങൾ ഉന്നയിച്ചത്. രണ്ട് പതിറ്റാണ്ടിലേറെയായി നീണ്ടുനിൽക്കുന്ന മൂന്നാം ശമ്പള പരിഷ്കരണം അടിയന്തരമായി നടപ്പാക്കണമെന്നാണ് സമ്മേളനത്തിന്റെ പ്രധാന ആവശ്യം.

BSNLEU മുംബൈ ജില്ലാ പ്രസിഡന്റ് യൂസഫ് ഹുസൈൻ അധ്യക്ഷത വഹിച്ചു. ഛത്രപതി ശിവാജി മഹാരാജ്, ഡോ. ബി. ആർ. അംബേദ്കർ, സാവിത്രിബായ് ഫുലെ എന്നിവരുടെ പ്രതിമകളിൽ ഹാരാർപ്പണം നടത്തിയ ശേഷമാണ് സമ്മേളന നടപടികൾ ആരംഭിച്ചത്.

ജില്ലാ സമ്മേളനത്തിന് മുന്നോടിയായി ‘ടെലികോം മത്സരാധിഷ്ഠിത യുഗത്തിൽ BSNLന്റെ പങ്ക്’ എന്ന വിഷയത്തിൽ സെമിനാറും സംഘടിപ്പിച്ചു. BSNL പ്രിൻസിപ്പൽ ജനറൽ മാനേജർ (HR & Administration) സുനിൽ നിരാനിയാൻ, BSNLEU അഖിലേന്ത്യാ ഡെപ്യൂട്ടി ജനറൽ സെക്രട്ടറി ഗണേഷ് ഹിങ്കേ എന്നിവർ വിഷയാവതരണം നടത്തി.

റിപ്പോർട്ടും കണക്കുകളും അംഗീകരിച്ചു

BSNLEU മുംബൈ ജില്ലാ സെക്രട്ടറി മഹേഷ് ദശരഥ് ആർക്കൽ പ്രവർത്തന റിപ്പോർട്ടും വരവ്-ചെലവ് കണക്കുകളും അവതരിപ്പിച്ചു. വി. പി. ശിവകുമാർ, അമിത് വിലാസ് പാട്ടീൽ, സലോമി സാമുവൽ പാമുല, കൃഷ്ണകാന്ത് പാണ്ഡുരംഗ് ആംഗ്രേ, അരുൺ മനോഹർ ഗാഡി, അനിൽ സർദാർ എന്നിവർ പൊതുചർച്ചയിൽ പങ്കെടുത്തു.

തുടർന്ന് റിപ്പോർട്ടും വരവ്-ചെലവ് കണക്കുകളും സമ്മേളനം ഐകകണ്ഠേന അംഗീകരിച്ചു.

BSNLEU അഖിലേന്ത്യാ ഡെപ്യൂട്ടി ജനറൽ സെക്രട്ടറി ഗണേഷ് ഹിങ്കേ, BSNLEU മഹാരാഷ്ട്ര സർക്കിൾ അസിസ്റ്റന്റ് ട്രഷറർ യശ്വന്ത് കേക്കരേ എന്നിവർ സമ്മേളനത്തിന്റെ നിരീക്ഷകരായി പങ്കെടുത്തു.

BSNL ഡെപ്യൂട്ടി ജനറൽ മാനേജർ കൈലാഷ് മോരേ, യശ്വന്ത് കേക്കരേ എന്നിവർ സമ്മേളനത്തിൽ മുഖ്യാതിഥികളായി സംസാരിച്ചു.

വിവിധ ജീവനക്കാരുടെ സംഘടനകളുടെ നേതാക്കളും സമ്മേളനത്തെ അഭിവാദ്യം ചെയ്തു. തേജസ്വി തഡ്സാരെ (SNEA), നിക്കി ഗൽവാനി (AIGETOA), അവിനാശ് ലോൻഡെ (AIBDPA), രവി ബാവിഷ്കർ (AIBDPA), കിഷോർ ഗജ്രേ (AIBSNLEA മുംബൈ), സന്തോഷ് ഷിൻഡെ (NFTE), സന്തോഷ് സോൻകാംബ്ലെ (SEWA BSNL), അമോൽ സാൽവി (NFTE), അമിത് സിംഗ് (AIGETOA), സഞ്ജയ് പാട്ടീൽ (AIBDPA), ഭീംറാവു ഖരാട്ടെ (BSNLEU റായ്ഗഡ്), സന്തോഷ് മേജാരി (BSNLEU ടെലികോം ഫാക്ടറി മുംബൈ) എന്നിവർ ആശംസകൾ നേർന്നു.

2026–2028 കാലയളവിലേക്കുള്ള പുതിയ ജില്ലാ കമ്മിറ്റി

2026–2028 കാലയളവിലേക്കുള്ള BSNLEU മുംബൈ ജില്ലാ യൂണിയന്റെ 14 അംഗ ജില്ലാ ഭാരവാഹികളെയും സമ്മേളനം ഐകകണ്ഠേന തെരഞ്ഞെടുത്തു.

പ്രസിഡന്റ്: യൂസഫ് ഹുസൈൻ

വൈസ് പ്രസിഡന്റുമാർ:

• യശ്വന്ത് വിത്തൽ കേക്കരേ
• അരുൺ മനോഹർ ഗാഡി
• സലോമി സാമുവൽ പാമുല

ജില്ലാ സെക്രട്ടറി:

• മഹേഷ് ദശരഥ് ആർക്കൽ

അസിസ്റ്റന്റ് ജില്ലാ സെക്രട്ടറിമാർ:

• കൃഷ്ണകാന്ത് പാണ്ഡുരംഗ് ആംഗ്രേ
• അമിത് വിലാസ് പാട്ടീൽ
• അനിൽ സർദാർ

ജില്ലാ ട്രഷറർ:

• പ്രതിമ ഷിരാലി

അസിസ്റ്റന്റ് ട്രഷറർ:

• വിലാസ് മോരേ

സംഘടനാ സെക്രട്ടറിമാർ:

• വി. പി. ശിവകുമാർ
• രേഖാ പാഞ്ചൽ
• സന്തോഷ് മോരേശ്വർ ചാച്ചഡ്

ജില്ലാ ബ്രാഞ്ച് സെക്രട്ടറി:

• ശിവാജി ജ്യോതിബാ ബാവേഡ്ക്കർ

സമ്മേളനത്തിന്റെ വിജയത്തിനായി അയ്യൂബ് ഖാൻ, സലോമി, രേഖാ പാഞ്ചൽ, വനിത ഗോരിവാലെ, കമൽ ഭോർ, സുചിത പാട്ണേക്കർ, അരുൺ ഗാഡി, വിലാസ് മോരേ, പ്രശാന്ത് കുൽക്കർണി, ഗുരു, പാണ്ഡ്യെ എന്നിവർ ഉൾപ്പെട്ട സംഘം പ്രവർത്തിച്ചു.

മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളും

AMCHI MUMBAI
Every Saturday | 4:30 PM | Kairali News