ബോളിവുഡിലെ ജനപ്രിയ നടന്മാരുടെ പട്ടികയെടുത്താൽ സഞ്ജയ് ദത്തിനെ ഒഴിവാക്കാനാകില്ല. അഭിനയ ജീവിതത്തിനപ്പുറം വലിയ വിവാദങ്ങൾക്കിടയിലും ആരാധകവൃന്ദത്തെ സൃഷ്ടിച്ച നടനാണ് സഞ്ജയ് ദത്ത്.
നടന്റെ സിനിമകളേക്കാൾ സംഘർഷം നിറഞ്ഞതായിരുന്നു ജീവിതവും.
ഇപ്പോഴിതാ നടന് 72 കോടിയുടെ സ്വത്ത് എഴുതിവെച്ചിരിക്കുകയാണ് ആരാധികയായ നിഷാപാട്ടീല്‍. 2018-ലാണ് മുംബൈയിലെ വീട്ടമ്മയായ നിഷ മരണശേഷം തന്റെ 72 കോടി വിലമതിയ്ക്കുന്ന സ്വത്തുകള്‍ സഞ്ജയ് ദത്തിന്റെ പേരിലേയ്ക്ക് വില്‍പ്പത്രം തയ്യാറാക്കിവെച്ചത്.
ജീവിതത്തില്‍ ഒരിക്കല്‍ പോലും അവര്‍ സഞ്ജയ് ദത്തിനെ നേരിട്ട് കണ്ടിട്ടുമില്ല
സിൽവർ സ്‌ക്രീനിലൂടെ മാത്രം കണ്ടു പരിചരിച്ച നടന് തന്റെ സ്വത്തുക്കൾ എഴുതി വച്ചാണ് മാരകമായ രോഗത്തോട് പോരാടി നിഷ വിട പറഞ്ഞത്
തന്റെ എല്ലാ സ്വത്തുക്കളും സഞ്ജയ് ദത്തിന് കൈമാറണമെന്ന് ആവശ്യപ്പെട്ട് അവസാന നാളുകളിൽ അവർ ബാങ്കിലേക്ക് നിരവധി കത്തുകള്‍ എഴുതിയിരുന്നു. ഞെട്ടലോടെയാണ് സഞ്ജയ് ദത്ത് തന്റെ ആരാധികയുടെ ആഗ്രഹത്തോട് പ്രതികരിച്ചത്.
എന്നിരുന്നാലും സ്വത്തിന് അവകാശവാദം ഉന്നയിക്കില്ലെന്നാണ് നടൻ വ്യക്തമാക്കിയത്. സ്വത്തുക്കള്‍ നിഷയുടെ കുടുംബത്തിന് തിരികെ നല്‍കുന്നതിന് ആവശ്യമായ ഏത് നിയമനടപടികളും സ്വീകരിക്കുമെന്നും നടന്റെ അഭിഭാഷകന്‍ സ്ഥിരീകരിച്ചു
നിഷ പാട്ടീലിനെ തനിക്ക് നേരിട്ട് അറിയില്ലെന്നും വിയോഗത്തിൽ വളരെയധികം വേദനിക്കുന്നുവെന്നുമാണ് മുന്നാഭായ് പറഞ്ഞത്.
