കലാലോകത്തെയും കുടുംബത്തെയും നൊമ്പരപ്പെടുത്തി കടന്നു പോയ കലാഭവൻ നവാസ് ഏറ്റവും ഒടുവിൽ അഭിനയിച്ച മ്യൂസിക് ആൽബം. കൂടെ അഭിനയിച്ചിരിക്കുന്നത് ഭാര്യ രഹ്നയും, മകനും.
നവാസ് ആലപിച്ച ഈ ഗാനമാണ് ഇപ്പോൾ സമൂഹമാധ്യമങ്ങളിൽ വൈറലായി കൊണ്ടിരിക്കുന്നത്. ആ ഗാനം ആലപിച്ച് തിരിച്ചെത്തിയപ്പോൾ നവാസ് രഹ്നയോട് പറഞ്ഞ അറം പറ്റിയ വാക്കുകൾ ഇന്ന് നോവേറിയ ഓർമയായി മാറുകയാണ്.
എൻ്റെ മരണശേഷം നിനക്കത് ഓർത്തുവെക്കാം; എന്നാണ് നവാസ് ‘മറന്നുവോ സഖി’ എന്ന ആൽബം പൂർത്തിയായപ്പോൾ പ്രണയിച്ച് വിവാഹം കഴിച്ച രഹ്നയോട് പറഞ്ഞത്. അഞ്ച് മാസം മുൻപ് നവാസ് രഹ്നയ്ക്ക് ഡെഡിക്കേറ്റ് ചെയ്ത് പാടിയ ആ ഗാനമാണ് ഇപ്പോൾ വൈറലാവുന്നത്. ഹൃദയസ്പർശിയായ വീഡിയോ കാണാം
