മുംബൈ: മലയാളി വെൽഫെയർ അസോസിയേഷൻ (Regd.), ജോഗേശ്വരി ഈസ്റ്റിന്റെ ആഭിമുഖ്യത്തിൽ സെപ്റ്റംബർ 27ന് ശ്രീരാമ മന്ദിർ വൈഷ്ണവ് ട്രസ്റ്റ് ഹാളിൽ വർണാഭമായ ഓണാഘോഷം സംഘടിപ്പിച്ചു. വൈകുന്നേരം നാലിന് നടന്ന ഘോഷയാത്രയോടെയാണ് ആഘോഷ പരിപാടികൾക്ക് തുടക്കമായത്.
Dr. ഇന്ദുമതി ഗോപിനാഥൻ നായർ മുഖ്യാതിഥിയായിരുന്നു. ജോഗേശ്വരി ഈസ്റ്റ് നിയോജകമണ്ഡലം എം.എൽ.എ ആനന്ദ് ബാല നാർ വിശിഷ്ടാതിഥിയായി പങ്കെടുത്തു.
തുടർന്ന് നടന്ന സാംസ്കാരിക പരിപാടികളിൽ സുധൻ കൈവേലി അവതരിപ്പിച്ച നാടൻപാട്ട് ശ്രദ്ധേയമായി. കുട്ടികളുടെ നൃത്തപരിപാടികൾ, കൈകൊട്ടിക്കളി തുടങ്ങി വിവിധ കലാവിരുന്നുകൾ അരങ്ങേറി. കുട്ടികളുടെയും മുതിർന്നവരുടെയും സജീവ പങ്കാളിത്തം ആഘോഷപരിപാടികൾക്ക് മിഴിവേകി.
വിദ്യാഭ്യാസ രംഗത്ത് മികവ് തെളിയിച്ച SSC, HSC വിദ്യാർത്ഥികളെ ചടങ്ങിൽ ആദരിച്ചു. മലയാളി സമൂഹത്തിലെ പുതുതലമുറയുടെ നേട്ടങ്ങളെ പ്രോത്സാഹിപ്പിക്കുന്നതിന്റെ ഭാഗമായി പുരസ്കാരങ്ങൾ സമ്മാനിച്ചു.
പരമ്പരാഗത ഓണവിഭവങ്ങളോടൊപ്പം കുടുംബാംഗങ്ങളുടെയും സുഹൃത്തുക്കളുടെയും കൂട്ടായ്മ ആഘോഷത്തിന് കൂടുതൽ മാധുര്യം പകർന്നു.
മലയാളി സമൂഹത്തിന്റെ ഐക്യവും സംസ്കാരവും പാരമ്പര്യവും പുതുതലമുറയിലേക്ക് പകരുന്നതിനൊപ്പം വിവിധ തലമുറകളെ ഒരുമിപ്പിക്കുന്ന സ്നേഹസംഗമമായി ജോഗേശ്വരി ഈസ്റ്റിലെ ഈ വർഷത്തെ ഓണാഘോഷം മാറി.
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളും
AMCHI MUMBAI
Every Saturday | 4:30 PM | Kairali News
