റായ്ഗഡ്: ശ്രീനാരായണ ധർമ്മ പരിപാലന യോഗം (എസ്.എൻ.ഡി.പി യോഗം) രസായനി–മോഹോപാഡ ശാഖ നമ്പർ 6327-ന്റെയും വനിതാ സംഘം യൂണിറ്റ് നമ്പർ 5088-ന്റെയും ആഭിമുഖ്യത്തിൽ വാർഷികാഘോഷം നവംബർ ഒന്നിന് നടക്കും. റസായനി–മോഹോപാഡ ഗുരുമന്ദിരത്തിലാണ് ആഘോഷപരിപാടികൾ സംഘടിപ്പിക്കുന്നത്.
ശ്രീ ബാലാജി പ്രതിഷ്ഠയുടെ 14-ാം വാർഷികം, ശ്രീനാരായണ ഗുരു പ്രതിഷ്ഠയുടെയും അയ്യപ്പസ്വാമി ക്ഷേത്രത്തിന്റെയും 11-ാം വാർഷികം, എസ്.എൻ.ഡി.പി യോഗം ശാഖയുടെ പത്താം വാർഷികം എന്നിവയുടെ ഭാഗമായാണ് ആഘോഷം.
രാവിലെ 4.45-ന് പള്ളിയുണർത്തലോടെ ആരംഭിക്കുന്ന ചടങ്ങുകളിൽ നിർമാല്യദർശനം, അഭിഷേകം, മഹാഗണപതി ഹോമം, ഉഷപൂജ, മൃത്യുഞ്ജയ ഹോമം, പരായണ വഴിപാട്, കളഭപൂജ, കലശാഭിഷേകം എന്നിവ നടക്കും. ഉച്ചയ്ക്ക് 12.30-ന് ഉച്ചപൂജയും പ്രസാദവിതരണവും അന്നദാനവും നാട അടയ്ക്കലും നടക്കും. വൈകിട്ട് അഞ്ചിന് നടതുറക്കൽ, 5.30-ന് സർവൈശ്വര്യപൂജ, 6.45-ന് ദീപാരാധന, 7.15-ന് അത്താഴപൂജ എന്നിവയ്ക്കുശേഷം രാത്രി എട്ടിന് പ്രസാദവിതരണവും നാട അടയ്ക്കലും നടക്കും.
ശ്രീ അനൂപ് തിരുമേനി (മെൽശാന്തി, അയ്യപ്പ ക്ഷേത്രം, കലംബോളി) പൂജാകർമങ്ങൾക്ക് നേതൃത്വം നൽകും. ആഘോഷത്തിൽ ഭക്തജനങ്ങൾ പങ്കുചേരണമെന്ന് സംഘാടകർ അഭ്യർഥിച്ചു.
സ്ഥലം: ഗുരുമന്ദിരം, മഹേശ്വരി പാർക്ക് റോഡ്, പ്രിയ സ്കൂളിന് സമീപം, മോഹോപാഡ, ഖലാപൂർ താലൂക്ക്, റായ്ഗഡ് ജില്ല.
For More Details : പ്രസിഡന്റ് സി. പത്മനാഭൻ – 9767883530; വൈസ് പ്രസിഡന്റ് മണികണ്ഠൻ കെ. – 8208463313; സെക്രട്ടറി സാബു ഭരതൻ – 9822490694.
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളും
AMCHI MUMBAI – Every Saturday | 4:30 PM | Kairali News
