മലയാള സാഹിത്യ–സിനിമാ രംഗത്തെ അനശ്വര പ്രതിഭ പത്മരാജന്റെ സൃഷ്ടിപൈതൃകം ഓർമ്മിപ്പിച്ച് പത്മരാജൻ പുരസ്കാരങ്ങൾ വിതരണം ചെയ്തു. മലയാള സാഹിത്യ (നോവൽ) വിഭാഗത്തിൽ മുംബൈയിലെ എഴുത്തുകാരിയും വനിതാ സംരംഭകയുമായ ഡോ. ശശികല പണിക്കർ പുരസ്കാരം ഏറ്റുവാങ്ങി.
മലയാള സിനിമയ്ക്കും സാഹിത്യത്തിനും സാംസ്കാരിക ചിന്തയ്ക്കും അനശ്വര സംഭാവനകൾ നൽകിയ പത്മരാജന്റെ സൃഷ്ടിപൈതൃകം പുതുതലമുറയിലേക്ക് കൈമാറുന്ന ചടങ്ങിൽ സിനിമ, കല, സാഹിത്യ രംഗങ്ങളിലെ നിരവധി പ്രമുഖർ പങ്കെടുത്തു.
മറ്റ് പുരസ്കാര ജേതാക്കളിൽ ശത്രുഘ്നൻ (സമഗ്ര സംഭാവന – സിനിമയും സാഹിത്യവും), കൃഷ്ണപ്രിയ (മിനിസ്ക്രീൻ അഭിനയം), ശ്രീകാന്ത് കൃഷ്ണമൂർത്തി (സംഗീതം – ഗായകൻ) എന്നിവരും ഉൾപ്പെടുന്നു.
കഴിഞ്ഞ മാസം ഇന്റർനാഷണൽ പീപ്പിൾ ലിപ് ഓർഗനൈസേഷൻ നൽകുന്ന സാഹിത്യ പുരസ്കാരം ഏറ്റുവാങ്ങിയതിന് പിന്നാലെയാണ് ഡോ. ശശികല പണിക്കർക്കു മറ്റൊരു പ്രധാന അംഗീകാരം കൂടി ലഭിക്കുന്നത്.
പത്മരാജന്റെ സർഗ്ഗാത്മക ദർശനത്തെ ഉയർത്തിപ്പിടിക്കുന്ന ഈ പുരസ്കാരങ്ങൾ, മലയാളത്തിന്റെ സാംസ്കാരിക യാത്രയിൽ നിർണായക സ്ഥാനമാണെന്ന് സംഘാടകർ വ്യക്തമാക്കി.
പത്മരാജൻ എന്ന പേര് തന്നെയാണ് ഈ അംഗീകാരത്തിന്റെ ഏറ്റവും വലിയ ബഹുമതിയെന്ന് ഡോ. ശശികല പണിക്കർ പറഞ്ഞു.
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളുമായി | AMCHI MUMBAI | EVERY SATURDAY 4.30 P.M. | KAIRALI NEWS
