വാശി: നൂ ബോംബെ അയ്യപ്പ മിഷന്റെ ആഭിമുഖ്യത്തിൽ സംഘടിപ്പിക്കുന്ന നവരാത്രി മഹോത്സവം 2026 ഒക്ടോബർ 11 മുതൽ 21 വരെ വാശിയിലെ സെക്ടർ 8-ൽ നടക്കുന്ന ക്ഷേത്രപരിസരത്ത് ഭക്തിനിർഭരമായ ചടങ്ങുകളോടെ നടക്കും. എല്ലാ ദിവസവും വൈകിട്ട് 4.30 മുതൽ ദേവീമാഹാത്മ്യ പാരായണവും ലളിതാസഹസ്രനാമ പാരായണവും ഉണ്ടായിരിക്കും.
ഭക്തജനങ്ങൾക്ക് ഭഗവതിസേവ നടത്തുന്നതിനും വഴിപാടുകൾ സമർപ്പിക്കുന്നതിനുമുള്ള സൗകര്യവും ഒരുക്കിയിട്ടുണ്ട്. ഭഗവതിസേവയ്ക്കുള്ള വഴിപാട് നിരക്ക് 750 രൂപയാണ്.
ഒക്ടോബർ 18ന് ദുർഗാഷ്ടമി, വൈകിട്ട് വിദ്യാരംഭത്തിനുള്ള പൂജകൾ എന്നിവ നടക്കും. ഒക്ടോബർ 19, 20 തീയതികളിൽ മഹാനവമി ആചരിക്കും. ഒക്ടോബർ 21ന് വിജയദശമി ആഘോഷങ്ങളുടെ ഭാഗമായി രാവിലെ 7ന് പൂജയെടുപ്പും 7.30ന് വിദ്യാരംഭവും നടക്കും.
വിദ്യാരംഭത്തോടനുബന്ധിച്ച് കുട്ടികൾക്ക് ആദ്യാക്ഷരം കുറിക്കാനുള്ള സൗകര്യവും ക്ഷേത്രത്തിൽ ഒരുക്കിയിട്ടുണ്ട്. വിദ്യാരംഭത്തിനുള്ള വഴിപാട് നിരക്ക് 150 രൂപയാണ്.
നവരാത്രി മഹോത്സവത്തിലും വിദ്യാരംഭച്ചടങ്ങുകളിലും ഭക്തജനങ്ങൾ പങ്കെടുത്ത് അനുഗ്രഹം തേടണമെന്ന് ക്ഷേത്രഭാരവാഹികൾ അറിയിച്ചു.
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളും
AMCHI MUMBAI – Every Saturday | 4:30 PM | Kairali News
