മുംബൈയുടെ സായാഹ്നത്തിന് ഗുരുദേവ സ്മരണയുടെ ആത്മീയപ്രഭ പകർന്നാണ് ‘ശിവദം’ നൃത്താവിഷ്കാരം അരങ്ങേറിയത്.
ശ്രീനാരായണ ഗുരുദേവന്റെ ദൈവദശകം പ്രാർത്ഥനയുടെ പശ്ചാത്തലത്തിൽ ഒരുക്കിയ പരിപാടി ഗേറ്റ്‌വേ ഓഫ് ഇന്ത്യയെ സാക്ഷിയാക്കി അവതരിപ്പിച്ചു.
ഇരുന്നൂറിലേറെ സംഗീത വിദ്യാർത്ഥികളും ഭരതനാട്യ നർത്തകരും അണിനിരന്ന അവതരണം ഗുരുദേവന്റെ ദർശനവും ആത്മീയ സന്ദേശവും കലാരൂപത്തിൽ ആവിഷ്കരിച്ചു.
ഗുരുദേവന്റെ ആശയങ്ങളും ദർശനങ്ങളും പുതിയ തലമുറയിലേക്ക് പകർന്നുനൽകുക എന്ന ലക്ഷ്യത്തോടെയായിരുന്നു പരിപാടി. സംഗീതവും നൃത്തവും സമന്വയിപ്പിച്ച അവതരണത്തിൽ ദൈവദശകത്തിന്റെ ഭാവവും ഗുരുദേവ സന്ദേശത്തിന്റെ മഹത്വവും നിറഞ്ഞുനിന്നു.
250-ഓളം നർത്തകരുടെ പങ്കാളിത്തത്തോടെ അവതരിപ്പിച്ച ‘ശിവദം’ മുംബൈയിലെ സാംസ്കാരിക വേദിയിൽ ശ്രദ്ധേയമായ കലാനുഭവമായി മാറി. രാഷ്ട്രീയ സാമൂഹിക സാംസ്കാരിക പ്രവർത്തകരും മുംബൈയിലെ ശ്രീനാരായണീയ പ്രസ്ഥാനങ്ങളും പങ്കെടുത്തു.
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളും
AMCHI MUMBAI – Every Saturday | 4:30 PM | Kairali News
