നവി മുംബൈ: ശ്രീനാരായണ ധർമ്മ പരിപാലന യോഗം മുംബൈ–താനെ യൂണിയനിൽപ്പെട്ട നെരൂൾ ശാഖയുടെ 26-ാം വാർഷികാഘോഷങ്ങൾക്കുള്ള ഒരുക്കങ്ങൾ പൂർത്തിയായി. നവംബർ 14 ശനിയാഴ്ച വൈകിട്ട് 7 മണിക്ക് നെരൂളിലെ തേര്ണ ഓഡിറ്റോറിയത്തിലാണ് ആഘോഷപരിപാടികൾ സംഘടിപ്പിക്കുന്നത്.
സാമുദായിക, സാമൂഹിക, കലാ-സാംസ്കാരിക മേഖലകളിലും പ്രത്യേകിച്ച് ആതുരസേവന, വിദ്യാഭ്യാസ രംഗങ്ങളിലും ശ്രദ്ധേയമായ പ്രവർത്തനങ്ങൾ കാഴ്ചവെച്ച മാതൃകാ ശാഖയാണ് നെരൂൾ ശാഖായോഗം.
ശാഖാ പ്രസിഡന്റ് എ.ആർ. ശശിധരന്റെ അധ്യക്ഷതയിൽ നടക്കുന്ന പൊതുസമ്മേളനത്തിനുശേഷം തൃശ്ശൂർ വള്ളുവനാട് ബ്രഹ്മ അവതരിപ്പിക്കുന്ന ‘പകലിൽ മറഞ്ഞിരുന്നൊരാൾ’ എന്ന സാമൂഹിക സംഗീതനാടകം അരങ്ങേറും.
കേരള സർക്കാരിന്റെ പ്രൊഫഷണൽ നാടക മത്സരത്തിൽ മികച്ച നാടകം, നാടക രചന, സംവിധാനം, നടൻ, ഗാനരചന, ഗായകൻ എന്നീ വിഭാഗങ്ങളിലായി ആറു പുരസ്കാരങ്ങൾ നേടിയ നാടകമാണിത്. നിരവധി പ്രാദേശിക പുരസ്കാരങ്ങളും നാടകത്തിന് ലഭിച്ചിട്ടുണ്ട്.
വാർഷികാഘോഷത്തിൽ എസ്.എൻ.ഡി.പി യോഗം യൂണിയൻ ഭാരവാഹികൾ, കലാ-സാംസ്കാരിക, സാമുദായിക രംഗങ്ങളിലെ പ്രമുഖർ തുടങ്ങിയവർ പങ്കെടുക്കുമെന്ന് ശാഖാ സെക്രട്ടറി രതീഷ് ബാബു അറിയിച്ചു.
പങ്കെടുക്കുന്നവർക്കായി ഭക്ഷണസൗകര്യവും ഒരുക്കിയിട്ടുണ്ട്.
വിവരങ്ങൾക്ക്: രതീഷ് ബാബു – 98211 95381
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളും
AMCHI MUMBAI – Every Saturday | 4:30 PM | Kairali News
