നവംബർ 18, 19 തീയതികളിൽ പതിനായിരങ്ങൾ അമ്മയുടെ ദർശനത്തിനെത്തുമെന്ന് പ്രതീക്ഷ
നവി മുംബൈ: ഏഴര വർഷത്തെ ഇടവേളയ്ക്കുശേഷം മഹാനഗരത്തിലെത്തുന്ന മാതാ അമൃതാനന്ദമയി ദേവിയെ വരവേൽക്കാൻ നെരുൾ അമൃതാനന്ദമയി മഠത്തിൽ വിപുലമായ ഒരുക്കങ്ങൾ പുരോഗമിക്കുന്നു. നവംബർ 18, 19 തീയതികളിൽ നടക്കുന്ന സന്ദർശന പരിപാടികളിൽ പങ്കെടുക്കാനും അമ്മയുടെ ദർശനം നേടാനുമായി പതിനായിരക്കണക്കിന് ഭക്തർ എത്തുമെന്നാണ് പ്രതീക്ഷിക്കുന്നതെന്ന് മുംബൈ മഠാധിപതി സ്വാമി അവയാമൃതപുരി അറിയിച്ചു.
അമ്മയുടെ സന്ദർശനം ഭക്തജനങ്ങൾക്ക് ആത്മീയ അനുഭവത്തിന്റെയും സന്തോഷത്തിന്റെയും അപൂർവ അവസരമാകുമെന്ന പ്രതീക്ഷയിലാണ് സംഘാടകർ. സന്ദർശന പരിപാടികൾ ഭംഗിയായും സുഗമമായും നടത്തുന്നതിനായി വിവിധ വകുപ്പുകളുടെയും സന്നദ്ധ പ്രവർത്തകരുടെയും സഹകരണത്തോടെ ഒരുക്കങ്ങൾ പുരോഗമിക്കുകയാണ്.
നവി മുംബൈ മുനിസിപ്പൽ കോർപ്പറേഷൻ അധികൃതർ, പൊലീസ്, അഗ്നിശമന സേന തുടങ്ങിയവരുടെ സഹായത്തോടെയാണ് ക്രമീകരണങ്ങൾ നടത്തുന്നത്. ഭക്തജനങ്ങൾക്ക് സുരക്ഷിതമായും സൗകര്യപ്രദമായും അമ്മയുടെ ദർശനം ലഭ്യമാക്കുന്നതിനുള്ള നടപടികൾക്കും സംഘാടക സമിതി മുൻഗണന നൽകുന്നുണ്ട്.
ഏഴര വർഷത്തിനുശേഷം അമ്മ വീണ്ടും മുംബൈയിലെത്തുമ്പോൾ ആത്മീയതയുടെയും ഭക്തിയുടെയും നിറവിൽ രണ്ട് ദിനങ്ങൾക്കായി കാത്തിരിക്കുകയാണ് നവി മുംബൈയിലെ വിശ്വാസിസമൂഹം.
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളും
AMCHI MUMBAI – Every Saturday | 4:30 PM | Kairali News
