നവി മുംബൈ: നെരൂൾ ന്യൂ ബോംബെ കേരളീയ സമാജത്തിന്റെ ആഭിമുഖ്യത്തിൽ ശിശുദിനാഘോഷം സംഘടിപ്പിച്ചു. നവംബർ 14ന് എൻ.ബി.കെ.എസ് കോംപ്ലക്സിൽ നടന്ന പരിപാടി കുട്ടികളുടെ പ്രാധാന്യവും ഭാവിയിലെ സാങ്കേതിക മുന്നേറ്റങ്ങളും ചർച്ച ചെയ്യുന്ന വേദിയായി.
സമാജം വൈസ് പ്രസിഡന്റ് കെ.ടി. നായരുടെ അധ്യക്ഷതയിൽ ചേർന്ന യോഗത്തിൽ ജോയിന്റ് സെക്രട്ടറി അനിൽ പരുമല സ്വാഗതം ആശംസിച്ചു.

‘നിർമിതബുദ്ധി – അവസരങ്ങളും ആശങ്കകളും’ എന്ന വിഷയത്തിൽ മുഖ്യപ്രഭാഷകൻ സുരേഷ് കോടൂർ പ്രഭാഷണം നടത്തി. നിർമിതബുദ്ധിയുടെ വളർച്ചയും അത് തുറന്നിടുന്ന സാധ്യതകളും ഉയർത്തുന്ന വെല്ലുവിളികളും അദ്ദേഹം വിശദീകരിച്ചു.

തുടർന്ന് കേരളപ്പിറവി ദിനാഘോഷത്തിന്റെ ഭാഗമായി സംഘടിപ്പിച്ച ചിത്രരചനാ മത്സരത്തിലെ വിജയികളെ സുരേഷ് കോടൂർ മൊമെന്റോകൾ നൽകി ആദരിച്ചു.
സമാജം ജനറൽ സെക്രട്ടറി പ്രകാശ് കാട്ടാക്കട നന്ദി പ്രകാശിപ്പിച്ചു.
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളും
AMCHI MUMBAI Every Saturday | 4:30 PM | Kairali News
