Homeസ്നേഹത്തിന്റെയും കരുതലിന്റെയും 27 വർഷങ്ങൾ; 800-ലേറെ ജീവിതങ്ങൾക്ക് പുതുപ്രതീക്ഷ നൽകി SEAL ആശ്രമം

സ്നേഹത്തിന്റെയും കരുതലിന്റെയും 27 വർഷങ്ങൾ; 800-ലേറെ ജീവിതങ്ങൾക്ക് പുതുപ്രതീക്ഷ നൽകി SEAL ആശ്രമം

Published on

വാങ്ഗണി: തെരുവുകളിലും റെയിൽവേ പ്ലാറ്റ്ഫോമുകളിലും ഉപേക്ഷിക്കപ്പെട്ടും ആരോരുമില്ലാതെയും കഴിയുന്ന മനുഷ്യർക്ക് സ്നേഹവും കരുതലും പകർന്നുനൽകി SEAL ആശ്രമം സേവനത്തിന്റെ 27 വർഷങ്ങൾ പിന്നിട്ടു. സോഷ്യൽ ആൻഡ് ഇവാഞ്ചലിക്കൽ അസോസിയേഷൻ ഫോർ ലവ് (SEAL) ആശ്രമത്തിന്റെ 27-ാം വാർഷികവും നന്ദി സംഗമവും നവംബർ 15 ഞായറാഴ്ച വാങ്ഗണിയിലെ ആശ്രമ ക്യാമ്പസിൽ നടന്നു. വിവിധ മേഖലകളിൽ നിന്നുള്ള 300-ഓളം പേർ ആഘോഷത്തിൽ പങ്കുചേർന്നു.

മഹാരാഷ്ട്ര ന്യൂനപക്ഷ കമ്മീഷൻ മുൻ വൈസ് ചെയർമാൻ ഡോ. എബ്രഹാം മത്തായി മുഖ്യാതിഥിയായി. ആശ്രമത്തിന്റെ പ്രവർത്തനങ്ങൾക്ക് പിന്തുണ നൽകുന്ന സാമൂഹിക-സാംസ്കാരിക രംഗത്തെ പ്രമുഖരും അഭ്യുദയകാംക്ഷികളും ചടങ്ങിൽ പങ്കെടുത്തു.

ആശ്രമത്തിലെ കുട്ടികളുടെ കലാപരിപാടികൾ ആഘോഷത്തിന് മിഴിവേകി. മനോഹരമായ ഗാനങ്ങളും നൃത്താവിഷ്കാരങ്ങളും അവതരിപ്പിച്ച കുട്ടികൾ സദസ്സിന്റെ കൈയടി നേടി. സ്നേഹവും പരിചരണവും പ്രോത്സാഹനവും ലഭിക്കുമ്പോൾ ഓരോ വ്യക്തിയിലുമുള്ള കഴിവുകൾ എങ്ങനെ വളർത്തിയെടുക്കാമെന്നതിന്റെ മനോഹരമായ കാഴ്ച കൂടിയായി കുട്ടികളുടെ പ്രകടനങ്ങൾ.

1999-ൽ പാസ്റ്റർ കെ.എം. ഫിലിപ്പ് സ്ഥാപിച്ച SEAL ആശ്രമം, മുംബൈയിലെയും നവി മുംബൈയിലെയും തെരുവുകളിലും റെയിൽവേ പ്ലാറ്റ്ഫോമുകളിലും ദുരിതാവസ്ഥയിൽ കഴിയുന്നവരെ കണ്ടെത്തി രക്ഷപ്പെടുത്തുകയും പുനരധിവസിപ്പിക്കുകയും കുടുംബങ്ങളുമായി വീണ്ടും ഒന്നിപ്പിക്കുകയും ചെയ്യുന്ന പ്രവർത്തനങ്ങളിലാണ് ശ്രദ്ധ കേന്ദ്രീകരിക്കുന്നത്. ജാതി, മതം, സാമൂഹിക പശ്ചാത്തലം എന്നിവയുടെ വ്യത്യാസമില്ലാതെയാണ് ആശ്രമത്തിന്റെ സേവനം.

27 വർഷത്തെ പ്രവർത്തനത്തിനിടെ 800-ലധികം പേരെ രക്ഷപ്പെടുത്തി പുനരധിവസിപ്പിച്ച് അവരുടെ കുടുംബങ്ങളുമായി വീണ്ടും ഒന്നിപ്പിക്കാൻ കഴിഞ്ഞു. നിലവിൽ 400-ലധികം പേർക്ക് ആശ്രമത്തിൽ താമസം, ഭക്ഷണം, ചികിത്സ, പുനരധിവാസം തുടങ്ങിയ സൗകര്യങ്ങൾ ലഭിക്കുന്നുണ്ട്. ആശ്രമത്തിൽ കഴിയുന്നതിനിടെ മരണപ്പെട്ട 500-ലധികം പേർക്ക് മാന്യമായ അന്ത്യയാത്ര ഒരുക്കാനും സ്ഥാപനത്തിന് കഴിഞ്ഞിട്ടുണ്ട്.

വാർഷികാഘോഷത്തിനൊപ്പം ആശ്രമത്തിലെ റൂബന്റെയും റോഷ്നി ഫിലിപ്പിന്റെയും ജന്മദിനങ്ങളും കേക്ക് മുറിച്ച് ആഘോഷിച്ചു. സന്തോഷവും സ്നേഹവും പങ്കുവെച്ച ഈ നിമിഷം ചടങ്ങിന് കൂടുതൽ ഹൃദ്യത പകർന്നു.

27 വർഷത്തെ സേവനയാത്രയിൽ ഒപ്പം നിന്ന ദൈവത്തോടും സന്നദ്ധപ്രവർത്തകരോടും സുഹൃത്തുക്കളോടും അഭ്യുദയകാംക്ഷികളോടും പിന്തുണച്ച എല്ലാവരോടും ആശ്രമം നന്ദി അറിയിച്ചു.

28-ാം വർഷത്തിലേക്ക് കടക്കുമ്പോഴും സമൂഹം മറന്നുപോയ മനുഷ്യർക്ക് സ്നേഹവും സുരക്ഷിതത്വവും പ്രതീക്ഷയും നൽകുക, നഷ്ടപ്പെട്ട കുടുംബബന്ധങ്ങൾ വീണ്ടെടുക്കാൻ സഹായിക്കുക, ഓരോ മനുഷ്യനും മാന്യമായ ജീവിതം ഉറപ്പാക്കുക എന്ന ദൗത്യത്തിലാണ് SEAL ആശ്രമം മുന്നോട്ടുപോകുന്നത്.

സ്നേഹത്തിന്റെ 27 വർഷങ്ങൾ… കരുതലിലൂടെ ജീവിതങ്ങൾ മാറ്റിമറിച്ച സേവനയാത്ര തുടരുന്നു.

മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളും
AMCHI MUMBAI Every Saturday | 4:30 PM | Kairali News

Latest articles

സ്ത്രീത്വത്തിന്റെ കരുത്തും ജീവിതകഥകളും ആഘോഷിക്കാൻ ‘മാത്രിക 2026’; മുഖമായി ബോളിവുഡ് താരം ഇഷ ഡിയോൾ

മുംബൈ: സൗന്ദര്യത്തിന് പ്രായപരിധികളില്ലെന്നും ഓരോ സ്ത്രീയുടെയും ജീവിതയാത്രയും അതിജീവനവും ആദരിക്കപ്പെടേണ്ടതാണെന്നും പ്രഖ്യാപിച്ചുകൊണ്ട് പുതിയൊരു ആശയവുമായി മുംബൈയിൽ ഒരുങ്ങുകയാണ് ‘മാത്രിക...

ഭക്തിസാന്ദ്രമായി രുഗ്മിണി സ്വയംവരം; ഉല്ലാസ്നഗർ അയ്യപ്പ ക്ഷേത്രത്തിൽ ഭാഗവത സപ്താഹത്തിന് ഭക്തിനിർഭരമായ സമാപനം

ഉല്ലാസ്നഗർ: ഭക്തിനിർഭരമായ ചടങ്ങുകളും വാദ്യമേളങ്ങളുടെ അകമ്പടിയോടെയുള്ള ഘോഷയാത്രയും താലപ്പൊലി അകമ്പടിയുമായി ഉല്ലാസ്നഗർ ഈസ്റ്റിലെ ലാൽചക്കി സാനെ ഗുരുജി നഗറിലുള്ള...

നോർക്ക കെയർ പ്രീമിയം വർധന പുനഃപരിശോധിക്കണം; കൂട്ടായ ഇടപെടലാണ് വേണ്ടത്: ജോജോ തോമസ്

മുംബൈ: നോർക്ക കെയർ ആരോഗ്യ ഇൻഷുറൻസ് പദ്ധതിയുടെ പ്രീമിയം കുത്തനെ വർധിപ്പിച്ച നടപടി പുനഃപരിശോധിക്കണമെന്ന് മഹാരാഷ്ട്ര പ്രദേശ് കോൺഗ്രസ്...

മുംബൈ കേരള ഹൗസിന്റെ നവീകരണത്തിന് 2.35 കോടി രൂപ അനുവദിച്ചു

മുംബൈ: മുംബൈയിലെ കേരള ഹൗസിന്റെ അറ്റകുറ്റപ്പണികൾക്കും സമഗ്ര നവീകരണത്തിനുമായി കേരള സർക്കാർ 2.35 കോടി രൂപ അനുവദിച്ചു. കെട്ടിടത്തിന്റെ...
spot_img

More like this

സ്ത്രീത്വത്തിന്റെ കരുത്തും ജീവിതകഥകളും ആഘോഷിക്കാൻ ‘മാത്രിക 2026’; മുഖമായി ബോളിവുഡ് താരം ഇഷ ഡിയോൾ

മുംബൈ: സൗന്ദര്യത്തിന് പ്രായപരിധികളില്ലെന്നും ഓരോ സ്ത്രീയുടെയും ജീവിതയാത്രയും അതിജീവനവും ആദരിക്കപ്പെടേണ്ടതാണെന്നും പ്രഖ്യാപിച്ചുകൊണ്ട് പുതിയൊരു ആശയവുമായി മുംബൈയിൽ ഒരുങ്ങുകയാണ് ‘മാത്രിക...

ഭക്തിസാന്ദ്രമായി രുഗ്മിണി സ്വയംവരം; ഉല്ലാസ്നഗർ അയ്യപ്പ ക്ഷേത്രത്തിൽ ഭാഗവത സപ്താഹത്തിന് ഭക്തിനിർഭരമായ സമാപനം

ഉല്ലാസ്നഗർ: ഭക്തിനിർഭരമായ ചടങ്ങുകളും വാദ്യമേളങ്ങളുടെ അകമ്പടിയോടെയുള്ള ഘോഷയാത്രയും താലപ്പൊലി അകമ്പടിയുമായി ഉല്ലാസ്നഗർ ഈസ്റ്റിലെ ലാൽചക്കി സാനെ ഗുരുജി നഗറിലുള്ള...

നോർക്ക കെയർ പ്രീമിയം വർധന പുനഃപരിശോധിക്കണം; കൂട്ടായ ഇടപെടലാണ് വേണ്ടത്: ജോജോ തോമസ്

മുംബൈ: നോർക്ക കെയർ ആരോഗ്യ ഇൻഷുറൻസ് പദ്ധതിയുടെ പ്രീമിയം കുത്തനെ വർധിപ്പിച്ച നടപടി പുനഃപരിശോധിക്കണമെന്ന് മഹാരാഷ്ട്ര പ്രദേശ് കോൺഗ്രസ്...