മുംബൈ: മുംബൈയിലെ കേരള ഹൗസിന്റെ അറ്റകുറ്റപ്പണികൾക്കും സമഗ്ര നവീകരണത്തിനുമായി കേരള സർക്കാർ 2.35 കോടി രൂപ അനുവദിച്ചു. കെട്ടിടത്തിന്റെ ചോർച്ച പരിഹരിക്കൽ, മൂന്നും നാലും നിലകളിലെ തകർന്ന ഇന്റീരിയർ ഭാഗങ്ങളുടെ പുനരുദ്ധാരണം, കെട്ടിടത്തിന്റെ പുറംഭാഗത്തെ അറ്റകുറ്റപ്പണികൾ, വൈദ്യുതീകരണം തുടങ്ങിയ പ്രവൃത്തികളാണ് അനുവദിച്ച തുക ഉപയോഗിച്ച് നടപ്പിലാക്കുക.
കേരള ഹൗസിന്റെ അടിസ്ഥാന സൗകര്യങ്ങൾ മെച്ചപ്പെടുത്തുന്നതിനും കെട്ടിടത്തിന്റെ നിലവിലെ പരിമിതികൾ പരിഹരിക്കുന്നതിനും നവീകരണ പദ്ധതി സഹായകമാകും.
നവീകരണത്തിനായി ആവശ്യമായ ഫണ്ട് അനുവദിക്കുന്നതിനും തുടർനടപടികൾ വേഗത്തിലാക്കുന്നതിനും മുൻകൈയെടുത്ത കേരള മുഖ്യമന്ത്രി, പൊതുമരാമത്ത് വകുപ്പ് മന്ത്രി, ടൂറിസം വകുപ്പ്, കേരള ഹൗസ് മാനേജർ സുനിൽ എന്നിവരോട് പ്രവാസി സമൂഹം നന്ദി അറിയിച്ചു.
മുംബൈയിലെത്തുന്ന മലയാളികൾക്കും വിവിധ ആവശ്യങ്ങൾക്കായി കേരള ഹൗസിനെ ആശ്രയിക്കുന്നവർക്കും നവീകരണ പ്രവർത്തനങ്ങൾ കൂടുതൽ മെച്ചപ്പെട്ട സൗകര്യങ്ങൾ ഉറപ്പാക്കുമെന്നാണ് പ്രതീക്ഷ.
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളും
AMCHI MUMBAI – Every Saturday | 4:30 PM | Kairali News
