മുംബൈ: ബാംഗ്ലൂർ മലയാളിയും പ്രശസ്ത മോഹിനിയാട്ടം നർത്തകിയുമായ ഡോ. ഹണി ഉണ്ണികൃഷ്ണൻ അവതരിപ്പിക്കുന്ന മോഹിനിയാട്ടം നൃത്തസന്ധ്യ നവംബർ 20 വെള്ളിയാഴ്ച വൈകിട്ട് 6.15-ന് ചെമ്പൂർ ഫൈൻ ആർട്സ് സൊസൈറ്റി ഹാളിൽ അരങ്ങേറും.
താളലയങ്ങളുടെ സങ്കീർണ്ണതയും ഭാവസമ്പന്നമായ അഭിനയവും സമന്വയിക്കുന്ന നൃത്താവിഷ്കാരത്തിൽ മോഹിനിയാട്ടത്തിലെ അഞ്ച് ഇനങ്ങളാണ് അവതരിപ്പിക്കുന്നത്.
പരിപാടിയിലെ ഇനങ്ങൾ:
- ചൊൽക്കെട്ട് – രാഗം: ആരഭി
- കൃതി – രാഗം: രേവതി
- വർണ്ണം – രാഗം: ചാരുകേശി
- പദം – രാഗം: കുറിഞ്ഞി
- തില്ലാന – രാഗം: രേവതി
വർണ്ണത്തിന്റെ നൃത്തസംവിധാനം ഡോ. സുഗന്ധി പ്രഭുവും മറ്റു ഇനങ്ങളുടെ നൃത്തസംവിധാനം ഡോ. നീന പ്രസാദുമാണ് നിർവഹിച്ചിരിക്കുന്നത്.
ഭാരതീയ ശാസ്ത്രീയ നൃത്തത്തിന്റെ സൗന്ദര്യവും മോഹിനിയാട്ടത്തിന്റെ ഭാവമാധുര്യവും ആസ്വദിക്കാൻ കലാസ്വാദകരെയും നൃത്തപ്രേമികളെയും സംഘാടകർ സ്നേഹപൂർവം ക്ഷണിച്ചു.
മഹാരാഷ്ട്രയിലെ ഏറ്റവും പുതിയ വാർത്തകളും വിശേഷങ്ങളും
AMCHI MUMBAI Every Saturday | 4:30 PM | Kairali News
